الماتى قالاسى تىلدەردى دامىتۋ باسقارماسى 2018 جىلى 23 قاراشا كۇنى الماتى قالاسى، الماتى قۇرىلىس تەحنيكالىق كوللەدجى عيماراتىندا «رۋحاني جاڭعىرۋ» باعدارلاماسى اياسىندا قازاقستاننىڭ ەتنوس وكىلدەرى اراسىندا «اباي وقۋلارى» اتتى قالالىق بايقاۋىن وتكىزدى.

بايقاۋدىڭ ماقسات-مىندەتتەرى: قازاق ءتىلىنىڭ قولدانىلۋىن دامىتۋ، مەملەكەتتىك ءتىل ساياساتىن ناسيحاتتاۋ. اباي شىعارماشىلىعىن ناسيحاتتاۋ ارقىلى قوعامدىق كەلىسىم مەن قازاقستاندىق رۋحاني بىرلىكتى نىعايتۋ جانە وتانسۇيگىشتىك سەزىمدى تاربيەلەۋ، كوپشىلىكتىڭ قازاقتىڭ ۇلتتىق مادەنيەتى مەن ونەرىنە، ادەبيەتى مەن تىلىنە دەگەن ىقىلاسىن ارتتىرۋ، جاستار اراسىندا كىتاپ وقۋ مادەنيەتىن دامىتۋ.

بايقاۋعا كوركەمسوز وقۋ جانە ءان ايتۋ شەبەرلىگىن قاتار يگەرگەن 18-28 جاس ارالىعىنداعى قازاقستاننىڭ ەتنوس وكىلدەرى قاتىستى.

 بايقاۋ 3 كەزەڭنەن تۇردى:

1. «ولەڭ ءسوزدىڭ پاتشاسى...». اباي شىعارمالارىن (ءبىلىم، عىلىم جانە ونەر تاقىرىپتارىنا ورىلگەن پوەزيالىق شىعارماسىن نەمەسە قارا ءسوزىن) جاتقا مانەرلەپ وقۋ.
2. «قازاقتا قاراسوزگە دەس بەرمەدىم...». «اباي جولى» رومانىنان ءۇزىندىنى كوركەم شەبەرلىكپەن جاتقا ورىنداۋ.
3. «قۇلاقتان كىرىپ، بويدى الار...». ابايدىڭ ءانىن ورىنداۋ. (1 ءان).

قازىلار القاسىنىڭ شەشىمىمەن كونكۋرس جەڭىمپازدارى انىقتالدى:

باس جۇلدە – ۆولوح الينا دميترييەۆنا (اۋەزوۆ اۋدانى)

ءى ورىن – سايديگانييەۆا مۋنيسا  ەمينجونوۆنا (تۇركىسىب اۋدانى)

ءىى ورىن – باكۋلينا  ۋليانا ۆلاديميروۆنا (بوستاندىق اۋدانى)

ءىىى ورىن – توحتارجانوۆا تاحمينا يۋسۋپجانوۆا (المالى اۋدانى)

بايقاۋعا بەلسەندى قاتىسىپ، ەرەكشە ونەر كورسەتكەندەرى ءۇشىن يريسكۋلوۆا ناسيبا تۋرار قىزى (تۇركسىب اۋدانى)، يسكانداروۆا سەيران راشيد قىزى (اۋەزوۆ اۋدانى)، كوتۆيسكايا اناستاسيا يگوريەۆنا (الاتاۋ اۋدانى)، ابدۋللايەۆ فارۋح  يالكۋنجانوۆيچ (اۋەزوۆ اۋدانى) نوميناسيالارمەن جانە ىنتالاندىرۋ سىيلىقتارىمەن ماراپاتتالدى.