الماتىدا كۇندىز ء-تۇنى جۇمىس ىستەيتىن قوعامدىق قابىلداۋ اشىلدى.
مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى جانىنان اشىلعان الاڭ ءوز كەڭسەلەرى جوق قوعام وكىلدەرىنىڭ باسىن قوسىپ، ءتۇرلى كەزدەسۋلەر وتكىزۋگە مۇمكىندىك بەرەدى. 24 ساعات بويى جۇمىس ىستەيتىن ادەپ جونىندەگى كەڭەسكە ەلىمىزدىڭ كەز كەلگەن تۇرعىنى كەلىپ، وزدەرىن مازالاعان سۇراقتاردى قويا الادى. سونداي-اق، قوعام وكىلدەرى مەملەكەتتىك قىزمەتكەرلەردىڭ ادەپ نورمالارىنىڭ ساقتالۋىن قاداعالاپ، جەمقورلىق اركەتتەرىن بولدىرماۋ ءۇشىن جۇمىس ىستەيمىز دەيدى.
«ءبىزدىڭ باستى ماقساتىمىز – حالىقتىڭ ساناسىنان جەمقورلىق دەگەن ءسوزدى الىپ تاستاۋ. ياعني، نەگىزگى مىندەتىمىز – تىرناقتىڭ استىنان كىر ىزدەۋ، بىرەۋدىڭ اياعىنان شالۋ نەمەسە اباقتىعا جابۋ ەمەس، حالىققا ۇگىت-ناسيحات جۇمىستارىن جۇرگىزىپ، جەمقورلىق اتاۋلىنى جويۋ»، – دەدى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتى ارنايى مونيتورينگ توبىنىڭ مۇشەسى بەكبول باتىرجان ۇلى.
پىكىر قالدىرۋ