كاسىپوداقتاردىڭ قىزمەتى تۇبەگەيلى وزگەرەدى. 2018-2019 جىلدارعا ارنالعان «الماتى قالاسى كاسىپوداقتارىن مودەرنيزاسيالاۋدىڭ جول كارتاسى» وسى ماقساتتا ازىرلەندى.

قۇجات ادامي كاپيتالدى دامىتۋ، ەڭبەك قاتىناستارىن جاقسارتۋ، كاسىپوداقتاردى نىعايتۋ سەكىلدى ماسەلەلەردى قامتيدى. الماتىدا 173 مىڭنان استام ادام 50 مىڭ تەڭگەدەن تومەن جالاقى الادى ەكەن. «جول كارتاسى» باعدارلاماسىن ىسكە اسىرۋدىڭ ناتيجەسىندە، ءبىرقاتار كاسىپورىنداردىڭ باسشىلارى مەن قىزمەتكەرلەرىنىڭ جالاقىسى 10-15 پايىزعا كوتەرىلگەن.  

«الەۋمەتتىك سەرىكتەستەرىمىزبەن اتقارعان جاڭا فورماتتاعى جۇمىسىمىزدىڭ ناتيجەسىندە، تومەن جالاقى الاتىن 173 مىڭ الماتىلىقتىڭ ايلىقتارى كوبەيەتىن بولدى. ءقازىردىڭ وزىندە ەكى جۇزگە جۋىق مەكەمەنىڭ باسشىلارى قىزمەتكەرلەرىنىڭ ايلىعىن 15 پايىزعا دەيىن ارتتىردى. سونىمەن قاتار، قالاداعى كاسىپورىنداردا ۇجىمدىق شارت جاساسۋ تۋرالى جۇيەلى جۇمىستار اتقارىلۋدا. سوڭعى 2 ايدىڭ وزىندە 2 مىڭنان استام ارىپتەستىك شارت جاسالدى»، – دەدى «الماتى قالاسى كاسىپوداقتار ورتالىعى» اۋماقتىق كاسىپوداقتار بىرلەستىگىنىڭ ءتورايىمى زاۋرەش ومىربايەۆا.