الماتىلىق پوليسەيلەر دونور بولدى. بۇگىن قالانىڭ 30-دان استام جول ساقشىسى تاڭ اتىسىمەن ناۋقاستار ءۇشىن قان تاپسىردى.

رەسپۋبليكالىق قان ورتالىعىنا اعىلعان پوگوندىلار اۋەلى دارىگەرلەردىڭ ءجىتى باقىلاۋىنان ءوتتى. دەنساۋلىعىندا ەش كىناراتى جوق قىزمەتكەرلەردىڭ ءارقايسىسىنان 450 گرامنان قان الىندى.

جالپى، الماتىلىق پوليسەيلەر ءجيى دونور بولىپ تۇرادى ەكەن. ولار اسىرەسە جول كولىك وقيعاسى سالدارىنان جاپا شەككەندەر مەن ناۋقاس سابيلەرگە وسىنداي ادىسپەن كومەك بەرگىمىز كەلەدى دەيدى. بۇگىنگى قايىرىمدىلىق اكسياسىندا ءتارتىپ ساقشىلارىنان جالپى كولەمى 15 ليترگە جۋىق قان الىندى. ايتا كەتسەك، رەسپۋبليكالىق قان ورتالىعىنا جىلىنا 20 مىڭعا جۋىق دونور قان وتكىزەتىن كورىنەدى.

«ءبىز جول-كولىك اپاتتارىنا ءجيى شىعىپ تۇرامىز. سول جەردەگى جۇرگىزۋشىلەردىڭ قيىن جاعدايدا بولعانىن، قاننىڭ كوپ كەتۋىن ءوز كوزىمىزبەن كورگەننەن كەيىن جەكە قۇراممەن بىرگە شەشىم قابىلداندى. وسىنداي ءار شارادا ادام ءبولىپ، ءوز ەركىمەن قان تاپسىراتىن جەكە قۇرام ءبولىپ تۇرامىز»، – دەدى الماتى قالاسى پد جول-پاترۋلدىك پوليسياسى ارنايى باتالونى كومانديرىنىڭ ورىنباسارى مۇرات تالاسبايەۆ.