«الاتاۋ» ءداستۇرلى ونەر تەاترىندا «جىر-جولبارىس» مۋزىكالىق سپەكتاكلىنىڭ تۇساۋكەسەرى ءوتتى. قويىلىمدا جيىرماسىنشى عاسىردىڭ گومەرى اتانعان جامبىل جابايەۆتىڭ ءومىر جولى بەينەلەنەدى.
مۋزىكالىق سپەكتاكل تەاتر ساحناسىندا العاش رەت قويىلىپ وتىر. ساحنالىق بەينەلەۋدىڭ زاماناۋي تاسىلدەرى ارقىلى ۇسىنىلعان قويىلىمدا قازاقى بي ناقىشتارى زاماناۋي بي ۇلگىسىمەن ۇشتاستىرىلعان. جامبىلدىڭ كوزىن كورگەن جۇماباي شاشتاي ۇلى – سپەكتاكلدىڭ كەڭەسشىسى، ال پەسا اۆتورى – ءانناس باعدات.
«جىر-جولبارىستىڭ» پرەمەراسى ءوتىپ جاتىر. حالىقتىڭ دۋىلداتا شاپالاقتاعان قولىنان، زالداعى ينە شانشاتىن بوس ورىننىڭ جوقتىعىنان ءبىزدىڭ وسى ۋاقىتقا دەيىن «الاتاۋ» تەاترىنا كەلگەندەگى نەگىزگى ميسسيامىز ورىندالعانداي سەزىندىك. جيىرماسىنشى عاسىردىڭ جىر الىبى، ءارۋاقتى جامبىل تۋرالى العاشقى قويىلىمىمىز ءبىزدىڭ باعىت-باعدارىمىزعا نىق قادام باسىپ وتىر دەپ ايتا الامىز»، – دەدى «الاتاۋ» ءداستۇرلى ونەر تەاترىنىڭ ديرەكتورى بەرىك ءجۇسىپوۆ.
