ۋاقىت جانە كەڭىستىك فيلوسوفياسى. ءدال وسىنداي اتاۋمەن سەنوگراف، قازاقستان سۋرەتشىلەر وداعىنىڭ مۇشەسى مۇرات ساپاروۆتىڭ ەسەپ بەرۋ كورمەسى ءوتتى.
مۇرات يسمايىل ۇلى تەاتر ساحناسىندا بۇگىنگە دەيىن 30-دان اسا قويىلىمدى سۋرەتتەگەن. ول 2002 جىلدان بەرى مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ قويۋشى-سۋرەتشىسى بولىپ قىزمەت ەتەدى. وزىندىك قولتاڭبالارى ارقىلى ەرەكشەلەنەتىن سۋرەتشىنىڭ قويىلىمدارى فيلوسوفيالىق وي تەرەڭدىگىمەن ەرەكشە.
«مۇرات ساپاروۆتىڭ 50 جىلدىعىنا وراي ارنايى كورمە ۇيىمداستىرىلىپ وتىر. مۇرات ساپاروۆ وقۋدى بىتىرگەننەن كەيىن بىردەن وسى تەاترىعا كەلدى، سودان بەرى 22 سپەكتاكلدىڭ بەزەندىرۋىن جاسادى. ءقازىر ونى وزىندىك ءستيلى، وزىندىك فيلوسوفيالىق ويى قالىپتاسقان سۋرەتشى رەتىندە تانۋعا بولادى»، – دەدى م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ قويۋشى-رەجيسسەرى اۋباكىر راحيموۆ.
