كەلەر اپتادا مەدەۋ مەن شىمبۇلاقتى جالعايتىن كوپىر پايدالانۋعا بەرىلەدى. نەگىزى، 1982 جىلى قالانعان اسپالى جول تاۋ-شاڭعى كۋرورتىنا باراتىن كولىكتەردى وتكىزىپ كەلگەن. ءبىراق 2015 جىلى ونى اپاتتى دەپ تانىپ، كۇردەلى جوندەۋگە جاپقان.

جاڭا كوپىر پايدالانۋعا بەرىلسە، ۋاقىتشا سالىنعانى سۇرىلەدى. جاۋاپتىلار ونى تۋريستىك نىساننىڭ جۇمىسى توقتاماس ءۇشىن ۋاقىتشا قويعان. اسپالى جول ارقىلى شىمبۇلاق كۋرورتىن سۋمەن، جىلۋمەن قامتاماسىز ەتىپ وتىرعان ينجەنەرلىك جەلىلەر دە قوسا جاسالىپتى.  

«بۇگىنگى كۇندە كۇردەلى جوندەۋ جۇمىستارى تولىعىمەن اياقتالدى. كوپىردىڭ جالپى ۇزىندىعى 60 مەتردى قۇرايدى. ونىڭ ەنى 8 مەتر. قوس باعىتتا كولىك قوزعالىسى تولىعىمەن قامتاماسىز ەتىلگەن. سونىمەن قاتار، جۇرگىنشىلەر جولىمەن قامتاماسىز ەتىلگەن»، – دەدى الماتى قالاسى جولاۋشىلار كولىگى جانە اۆتوموبيل جولدارى باسقارماسىنىڭ ءبولىم باسشىسى ەرنۇر ءابجاحان.

كەلەر اپتا ماماندار اتالمىش كوپىردى سىناقتان وتكىزىپ كورمەك. 60 توننا سالماقتى كوتەرە السا، پايدالانۋعا بەرىلەدى. الدىمەن كوپىر ۇستىمەن ءبىر مەزەتتە بىرنەشە جۇك كولىگىن وتكىزەدى ەكەن.  

«جۇمىستار وتكەن جىلى جەلتوقساندا باستالعان بولاتىن. قۇرىلىس اياقتالعانشا «شىمبۇلاق» كۋرورتىنىڭ جۇمىسىن توقتاتپاس ءۇشىن ۋاقىتشا كوپىردى سالدىق. ونى دا پايدالانۋعا بەرمەس ءۇشىن سىناقتان وتكىزىپ، تەكسەرىپ كوردىك. ءبىراق جاڭا اسپالى جول پايدالانۋعا بەرىلگەن سوڭ، ونى سۇرەمىز»، – دەدى مەردىگەر كومپانيا ديرەكتورىنىڭ ورىنباسارى مەيرام حاميت،