وتباسىنىڭ الەۋمەتتىك، تۇرمىستىق جاعدايى ءجاسوسپىرىمنىڭ سۋيسيدكە بارۋىنا تۇرتكى بولمايدى. باستىسى، بالانىڭ وعاش قىلىقتارىن دەر كەزىندە بايقاۋ كەرەك.
«كوشباسشى ايەلدەر قورىنىڭ» ماماندارى جۇرگىزگەن زەرتتەۋ ناتيجەسى بويىنشا ءسۋيسيدتىڭ العاشقى بەلگىلەرىن ايقىندادى. ولار الماتىنىڭ 15 مەكتەبىنىڭ بازاسىندا بالالارمەن، اتا-انالارمەن جۇمىس جاساۋدىڭ بىرەگەي مودەلىن ەنگىزىپ، تاجىريبە رەتىندە جۇرگىزگەن. ەندى قوعامدىق قور تاجىريبەدەن وتكىزگەن باعدارلاماسىن ەلىمىزدەگى بارلىق ءبىلىم وشاقتارىنا ەنگىزۋ ءۇشىن ءبىلىم جانە عىلىم مينيسترلىگىمەن كەلىسىپ جاتىر.
«ەڭ باستى ماسەلە، بالانىڭ ءجۇرىس-تۇرىسىنداعى وزگەرىستى بايقاۋ. ەگەر بالاڭىز اشىق، بەلسەندى بولىپ ءجۇرىپ، كەنەتتەن تۇيىق، ەشكىممەن ارالاسپاسا، بىردەن ءبىر سەبەپ وسى بولۋى مۇمكىن. كەي جاعدايلاردا ولار وزدەرىنىڭ زاتتارىن تاراتا باستايدى. ەندى بىردە «ءومىر سۇرگىم كەلمەيدى، سەندەردەن كەتەمىن، بارلىعى شارشاتتى» دەگەن سەكىلدى سوزدەرگە اتا-انالار ءمان بەرمەي، جاي قورقىتقىسى كەلەدى دەپ ويلايدى. شىن مانىندە، بۇل وز-وزىنە قول جۇمساۋدىڭ ايقىن بەلگىلەرى»، – دەدى «كوشباسشى ايەلدەر قورى» قوعامدىق قورىنىڭ جوبالىق ديرەكتورى سۆەتلانا بوگاتىريەۆا.
