قالاداعى №106 باعىت «المەرەك» ىقشاماۋدانىنا دەيىن ۇزارتىلادى.

جوعارىدا اتالعان ەلدى مەكەن تۇرعىندارىنىڭ ءوتىنىشى بويىنشا الماتىنىڭ جولاۋشىلار كولىگى جانە اۆتوموبيل جولدارى باسقارماسى وسىنداي شەشىم قابىلداعان.

«№106 باعىت تۇركسىب اۋدانىنىڭ الەۋمەتتىك ماڭىزى بار وبەكتىلەرىن قامتيدى، بۇدان بىلاي ىقشاماۋدان تۇرعىندارى ءۇشىن كولىك قولجەتىمدى بولادى. قازىرگى كەزدە جاڭا قۇرىلىس تۇرعىندارىنا قاتىستى قوسىمشا ايالداما پۋنكتتەرىن اشۋ قاراستىرىلۋدا»، - دەدى جولاۋشىلار كولىگى جانە اۆتوموبيل جولدارى باسقارماسىنىڭ وكىلدەرى.

سونداي-اق،  №86 باعىت «احمەتوۆ كوشەسى» دەپ  اتالاتىن سوڭعى ايالداماعا دەيىن ۇزارتىلعان. اۆتوبۋستار قوزعالىسى وزگەرگەن سىزبا بويىنشا بيىلعى جىلدىڭ 12 قاراشاسىنان باستاپ جۇزەگە اسادى.

ەسكە سالساق، الماتىدا كولىك  رەفورماسى اياسىندا جاڭا №205 باعىت اشىلعان ەدى. بۇل باعىت بويىنشا 18 مەترلى تومەن  ەدەندى 30 جاڭا اۆتوبۋس جۇرۋدە.

الماتىدا بيىلعى جىلدىڭ سوڭىنا دەيىن جاڭا كولىك ۇلەسىن 87%-عا دەيىن جەتكىزۋ جوسپارلانعان.