الماتىدا ورنالاسقان لا-155/18 تۇزەتۋ مەكەمەسىنىڭ كۇتۋ زالى «Open space» فورماتى، ياعني قابىرعاسى جوق، اشىق الاڭ ەتىپ قايتا سالىنادى. باستالعان جوندەۋ جۇمىستارى تاۋەلسىزدىك كۇنى قارساڭىندا اياقتالماق. ال قالاداعى اۋداندىق ىشكى ىستەر باسقارمالارىندا 12 فرونت وفيس پەن 3 تەكسەرۋ پۋنكتى بوي كوتەرەدى. الىپ شاھارعا جۇمىس بارىسىمەن كەلگەن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى جانىنان قۇرىلعان قوعامدىق كەڭەس بىرنەشە نىسانعا باس سۇقتى.
الماتىنىڭ دامۋ قارقىنى مەن اتقارىلىپ جاتقان قىرۋار تىرلىكتى كورۋگە استانادان قوعامدىق كەڭەس مۇشەلەرى كەلدى. مەملەكەتتىك قىزمەت ىستەرى جانە سىبايلاس جەمقورلىق قارسى اگەنتتىك جانىنان قۇرالعان ۇيىم الدىمەن قۇقىق قورعاۋ قىزمەتتەرى ورتالىعىمەن تانىستى. الماتىدا كەلەسى جىلدان باستاپ قىلمىستىق ىستەر تەك ەلەكتروندى تۇردە جۇرگىزىلمەك. بۇل بىرىنشىدەن، ۋاقىت ۇنەمدەيدى، ودان سوڭ توم-توم ىستەردىڭ جوعالىپ كەتپەۋىنە سەپتەسەدى.
«پلانشەتتەر ساتىپ الىپ جاتىرمىز. ءبارى اۆتوماتتى تۇردە بولادى. ولاردى ىىد-نە، پروكۋراتۋراعا قويامىز. كەلەسى جىلدىڭ 1 قاڭتارىنا دەيىن ءجۇز پايىز ەلەكتروندى فورماتتا بولۋى كەرەك. بۇل ءبىر دە ءبىر قۇجات جوعالىپ كەتپەۋى ءۇشىن جاسالىپ جاتقان قادامدار»، – دەدى الماتى قالاسى اكىمىنىڭ ورىنباسارى ەرلان اۋكەنوۆ.
الماتىدا 2018-2021 جىلدار ارالىعىندا قوعامدىق ورىنداردا 1 مىڭداي بەينەباقىلاۋ كامەراسى ورناتىلماق. بۇل ءۇشىن بيۋدجەتتەن 8 ميللياردان استام قارجى ءبولىندى. بۇل قىلمىس سانىن ازايتادى دەپ سەندىردى قالا اكىمىنىڭ ورىنباسارى ەرلان اۋكەنوۆ. سونداي-اق، وسى ارالىقتا جول قوزعالىسىن باقىلايتىن اۆتوماتتاندىرىلعان 140-تان استام پوست ورناتىلادى.
«بىزدە 156 كامەرا بولعان. ولار 2000-شى جىلدارى ورناتىلعان. ەندى ولاردىڭ ءبارى ەسكىردى. ساپالارى دا تومەن. ءقازىر قولعا العان جوبامىزدى اياقتاپ قالدىق. جەلتوقسان ايىندا جوبالىق-سمەتالىق قۇجاتتاماسى دايىن بولادىى. قاڭتار ايىندا كونكۋرس جاريالاپ، اقپاندا قۇرىلىس جۇمىستارىن باستايمىز»، – دەپ اتاپ ءوتتى ەرلان اۋكەنوۆ.
ودان كەيىن مەملەكەتتىك قىزمەت ىستەرى جانە سىبايلاس جەمقورلىقتىڭ الدىن الۋ سۇراقتارى بويىنشا قوعامدىق كەڭەس مۇشەلەرى جەتىسۋ اۋداندىق سالىق باسقارماسىنا باردى. جاڭارتىلعان مەملەكەتتىك مەكەمە ءبىر تەرەزە قاعيداسى بويىنشا جۇمىس ىستەيدى. سونىمەن قاتار، مۇندا ەلەكتروندى كەزەك، ەكىنشى دەڭگەيلى بانكتەر مەن «قازپوشتا» كاسسالارى بار.
«وتكەن جىلدان بەرى تولىقتاي كەدىرگىسىز جۇمىس ىستەۋ پرينسيپىنە كوشتىك. جاڭارتىلعان فورماتقا الماتىداعى جەتىسۋ، مەدەۋ، الاتاۋ جانە ناۋرىزباي اۋداندارىن اۋىستىردىق. الداعى جىلى قالعان 4 اۋداندى كوشىرىپ، جۇمىستاردى اياقتايمىز. وعان قوسا، گرۋزيانىڭ تاجىريبەسىن الىپ، دوڭگەلەكتەگى ءموبيلدى وفيس جوباسىن قولعا الۋدى جوسپارلاپ وتىرمىز»، – الماتى قالاسى مەملەكەتتىك كىرىستەر دەپارتامەنتى باسشىسىنىڭ ورىنباسارى قانات بالتابەكوۆ.
استانالىق قوناقتار كەيىن الماتىدا جاڭادان اشىلعان بىرىككەن ۇلتتار ۇيىمىنىڭ ۇيىنە ارنايى باردى. ءىزىن الا Open Almaty قوعامدىق قابىلداۋ جانە Smart point كوۆوركينگ-ورتالىقتارىنىڭ جۇمىسىنان حاباردار بولدى. ال ءىت-ماماندارى «سمات-سيتي» جوبالارىمەن تانىستىردى. كەيىن مەملەكەتتىك قىزمەتتىڭ ساپاسى مەن ساندىق جۇيەگە ءوتۋ جايىندا قالالىق ءماسليحات دەپۋتاتتارى مەن قوعامدىق كەڭەس مۇشەلەرىمەن كەزدەسىپ، تالقىلاستى.
ايتا كەتەيىك، قوعامدىق كەڭەس مۇشەلەرى جۇمىس ساپارى بارىسىندا جۇمىسپەن قامتۋ ورتالىعىنا جانە الماتىنىڭ كولىك حولدينگىنە دە باس سۇقتى. الماتىداعى بىرنەشە مەملەكەتتىك مەكەمەنىڭ جۇمىسىمەن تانىسقان دەلەگاسيا تاجىريبەنى ەلىمىزدىڭ وزگە وڭىرلەرىنە ەنگىزۋ ماسەلەسىن كوتەرمەك.
«الماتىداعى جۇمىس ساپارى بارىسىندا قوعامدىق كەڭەستىڭ مۇشەلەرى ءبىراز مەملەكەتتىك مەكەمەگە باردىق. قالادا كوپتەگەن ماسەلەنىڭ وڭ شەشىمىن تاپقانىن كوز كوردى. ءتىپتى الداعى ۋاقىتقا جوسپارلارى دا بار ەكەن. وسى ماقساتتار ورىندالسا، وندا تاشاما. قۇقىق قورعاۋ قىزمەتتەرى ورتالىعى، سالىق باسقارمالارى حالىققا ىڭعايلى ەتىپ جاسالعان. بەينەباقىلاۋ كامەرالارىن ورناتۋ دا وڭ باستاما»، – دەدى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل ورگاندارىنىڭ قىزمەتى ماسەلەلەرى بويىنشا قوعامدىق كەڭەسىنىڭ ءتوراعاسى سەرىكجان قانايەۆ.
«ماقسات – الماتىنىڭ سيفرلاندىرۋ تاجىريبەسىن، مەكەمەلەر قىزمەتتەرىن ازاماتتارعا، تۇرعىندارعا قولجەتىمدى جاساۋ عوي. وسى تاجىربيەنى باسقا دا قالالاردا، باسقا وبلىستاردا دا جاريالاپ، تانىستىرىپ، ۇيرەتىپ، وسىندا كورىپ كەتۋگە بولادى. ءالى الدا ىستەيتىن جوسپارلارى بار ەكەن. ءبىز شەتەلدەرگە شىعىپ جۇرگەندە وسىنداي جۇيەلەردى زەرتتەپ، قاراپ ءجۇرمىز. ونىڭ كوبى وسىندا ەنگىزىلىپ جاتىر»، – دەدى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل ورگاندارىنىڭ قىزمەتى ماسەلەلەرى بويىنشا قوعامدىق كەڭەسىنىڭ مۇشەسى ميربولات جاقىپوۆ.
