اسىل ءسوزدىڭ مايەگى – شەشەندىك ونەر ناسيحاتتالدى. سەنبى كۇنى رەسپۋبليكانىڭ تۇكپىر-تۇكپىرىنەن كەلگەن مەكتەپ وقۋشىلارى بي-شەشەندەردىڭ دانالىقتارىن جاتقا وقىدى.

ءۇش كەزەڭنەن تۇراتىن بايقاۋعا 8 بەن 11-سىنىپ ارالىعىنداعى 27 وقۋشى قاتىستى. ءىس-شارانى «زەينوللا سانىك اتىنداعى مادەنيەت قورى» مەن اباي اتىنداعى رەسپۋبليكالىق مامانداندىرىلعان دارىندى بالالارعا ارنالعان قازاق ءتىلى مەن ادەبيەتىن تەرەڭدەتە وقىتاتىن ورتا مەكتەپ-ينتەرناتى بىرلەسىپ ۇيىمداستىرعان.  

«بۇگىنگى ءىس-شارانىڭ نەگىزگى ماقساتى – جاھاندانۋ زامانىنداعى جاستاردىڭ، بابالاردىڭ بىزگە قالدىرعان ونەگەلى وسيەتىن، بي-شەشەندەردىڭ شەشەندىك تولعاۋىن، عيبراتتى شىعارمالارىن قانشالىقتى دەڭگەيدە تانىپ ءبىلدى، انا ءتىلىن قانشالىقتى دەڭگەيدە انىقتادى، ءسوز بيىگىنە قاي دەڭگەدە سۋسىندادى، سوعان جاۋاپ ىزدەۋ. بۇل ءبىرىنشى رەت ۇيىمداستىرىلىپ وتىر. قۇداي قالاسا، ءساتتى وتسە، بايقاۋ ارى قاراي ءداستۇرلى تۇردە جالعاسىن تاباتىن بولادى»، – دەيدى «زەينوللا سانىك اتىنداعى مادەنيەت قورىنىڭ» قىزمەتكەرى جارقىن سالەن ۇلى.