الماتىدا قار تازالاۋ جۇمىستارى ۇدەتىلدى. قالادا ماگيسترالدى كوشەلەر اق ۇلپادان ەرتەڭگە دەيىن تولىعىمەن تازارتىلىپ بىتەدى.

قار تازالاۋ جۇمىستارىنا 860 ارنايى تەحنيكا مەن 2860 جۇمىسشى تارتىلعان. جالپى، جۇرگىنشىلەر جولدارىن، ايالداما جانە كولىك تۇراقتارىن تازالاۋ باستى شارۋا. وسى ۋاقىتقا دەيىن 7500-دەن استام تەكشە مەتر قار ارنايى قازاندىقتارعا توگىلدى.

«الماتى قالاسىندا 1،5 تاۋلىك بويى جاۋعان قار 11 قاراشادان 13 قاراشاعا دەيىن جالعاستى. قاردىڭ جاۋعانى شامامەن، تاڭعى التىدا توقتادى. جالپى، جاۋعان قاردىڭ بيىكتىگى 10 سانتيمەتردى قۇرادى. مۇز ەرىتكىش قوسپالار ءقازىر دە سەبىلۋدە. قار جاۋعاندا دا سەبىلدى. قازىرگى كەزدە 5400 توننا مۇز ەرىتكىش قوسپالارى سەبىلۋدە»، – دەدى الماتى قالاسى تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باسپا ءسوز حاتشىسى ايجان كەنجەبەكوۆا.