2018 جىلدىڭ 7-8 جەلتوقسانىندا قاراعاندى قالاسىنداعى ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىندە «رۋحاني جاڭعىرۋ» باعدارلاماسى اياسىندا قازاقستان تاريحى جانە قحا كافەدراسى بازاسىندا «قازاقستان - مەنىڭ وتانىم» اتتى IV رەسپۋبليكالىق ستۋدەنتتىك كونفەرەنسيا ءوتتى.

اتالمىش كونفەرەنسياعا ە.ا. بوكەتوۆ اتىنداعى قارمۋ، ل.ن. گۋميليەۆ اتىنداعى ەۇۋ، ىبىراي التىنسارين اتىنداعى ارمپي، پاۆلودار مەملەكەتتىك پەداگوگيكالىق ينستيتۋتىنىڭ، م.وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ، ق.ا. ياسساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ جانە ءومىرزاق سۇلتانعازين اتىنداعى قوستاناي مەملەكەتتىك پەداگوگيكالىق ۋنيۆەرسيتەتىنىڭ ستۋدەنتتەرى قاتىستى.

ءومىرزاق سۇلتانعازين اتىنداعى قوستاناي مەملەكەتتىك پەداگوگيكالىق ۋنيۆەرسيتەتىنىڭ الەۋمەتتىك- گۋمانيتارلىق فاكۋلتەتىنىڭ «تاريح» ماماندىعى بويىنشا ون ستۋدەنت، «قۇقىق جانە ەكونوميكا نەگىزدەرى» ماماندىعى بويىنشا ءۇش ستۋدەنت وزدەرىنىڭ زەرتتەپ جۇرگەن عىلىمي جۇمىستارى بويىنشا بايانداما جاسادى.

«تاريح» جانە «قۇقىق جانە ەكونوميكا نەگىزدەرى» ماماندىعىنىڭ ستۋدەنتتەرى ەكىنشى، ءۇشىنشى دارەجەلى ديپلومدارمەن جانە العىس حاتتارمەن ماراپاتتالدى. ماقالالارى جارىق كورگەن جيناق ءار ستۋدەنتكە تابىستالدى.

كونفەرەنسيانى ۇيىمداستىرۋ ءتيىستى دەڭگەيدە بولدى. ءبىزدىڭ ستۋدەنتتەردى قارسى الىپ، قارمۋ جاتاقحاناسىنا تەگىن جايعاستىردى.

ۋنيۆەرسيتەتىمىزدىڭ ستۋدەنتتەرى رەسپۋبليكامىزدىڭ باسقا تۇكپىرلەرىنەن كەلگەن عالىمدارمەن جانە زەرتتەۋشى ستۋدەنتتەرمەن تانىسىپ عىلىمي زەرتتەۋ تاقىرىپتارىنا قاتىستى ماسەلەلەردى كوپشىلىكتىڭ تالقىسىنا سالۋعا مۇمكىندىك الدى. ارينە، مۇنداي جەتىستىك ستۋدەنتتەردىڭ ىزدەنۋلەرىمەن ولاردىڭ عىلىمي جەتەكشىلەرىنىڭ ەڭبەكتەرىنىڭ ناتيجەسى. ستۋدەنتتەردىڭ عىلىمي جەتەكشىلەرى - ت.ع.د.، پروفەسسور امانجول كۇزەمباي ۇلى، ت.ع.ك.، قاۋىمداستىرىلعان پروفەسسور يسەنوۆ وتەگەن، ت.ع.ك.، دوسەنت مايسارا بەكماعامبەتوۆا، ت.ع.ك.، دوسەنت ناۋرىزبايەۆا ەلميرا، PhD دوكتورى راۋان بايداللاردىڭ شاكىرتتەردى عىلىمعا باۋلۋداعى جەتىستىكتەرىمەن  قۇتتىقتايمىز.

كونفەرەنسيادان سوڭ «تاريح» ماماندىعىنىڭ ستۋدەنتتەرى الەمگە ايگىلى «كارلاگ» مۇراجايىنا (دولينكا كەنتىنىڭ ساياسي قۋعىن-سۇرگىن قۇرباندارىن ەستە ساقتاۋ مۋزەيى) ەكسكۋرسيا جاسادى. مۋزەيدە بولعان ستۋدەنتتەردىڭ ايتۋىنشا،  ءالى كۇنگە دەيىن زەرتتەۋدى قاجەت ەتەتىن كارلاگتىڭ اشىلماعان قۇپيالارى جەتكىلىكتى.

 ابير سىمبات، التىنبەك گۇلسايا

«تاريح» ماماندىعىنىڭ 4 كۋرس ستۋدەنتتەرى

قوستاناي-قاراعاندى