الماتىدا ەل پرەزيدەنتىنىڭ جاستار جىلىن جاريا ەتۋى قارساڭىندا «نۇر وتان» پارتياسى قالالىق فيليالىنىڭ ءتوراعاسى باۋىرجان بايبەك بىرلەستىكتىڭ جاڭا مۇشەلەرىنە پارتيا بيلەتتەرىن تاپسىردى، ولاردىڭ اراسىندا دەنساۋلىق ساقتاۋ، مادەنيەت سالالارى مەن بيزنەستىڭ، سپورتتىڭ جاس وكىلدەرى بار. ءدال سول كۇنى الماتى اكىمى «نۇر وتان» پارتياسى قالالىق فيليالىنىڭ جاڭارعان قوعامدىق قابىلداۋىن كوردى.

«كەز كەلگەن قالا، كەز كەلگەن ەل حالىقتان قۇرالادى. الماتى دەگەنىمىز نە؟ بۇل ۇيلەر، جول ايرىقتارى ەمەس، ادامدار. «نۇر وتان» پارتياسى تۋرالى دا وسىلاي ايتۋعا بولادى. پارتيا - بۇل مۇددەلەستەر كومانداسى. بۇگىننەن باستاپ سىزدەر پرەزيدەنتىمىزدىڭ سەرىكتەسىسىزدەر. ءبىزدىڭ بارلىق جەتىستىكتەرىمىز مەملەكەت باسشىسىنىڭ، «نۇر وتان» پارتياسى ءتوراعاسىنىڭ ەسىمىمەن تىكەلەي بايلانىستى. ەلباسىنىڭ كەمەڭگەر ساياساتى ارقاسىندا پارتيا 20 جىل ىشىندە ەلىمىزدىڭ ەكونوميكالىق جانە الەۋمەتتىك دامۋىنا زور ۇلەس قوستى. پارتيانىڭ ساياسي دوكتريناسىنا سايكەس ءبىزدىڭ باستى قاعيدامىز - اشىقتىق. سوندىقتان ءبىز ازاماتتاردىڭ ءتۇرلى پروبلەمالارىن شەشۋدىڭ ءتيىمدى ءارى اشىق مەحانيزمى بولىپ تابىلاتىن قوعامدىق قابىلداۋدى ودان ءارى دامىتا بەرەمىز»، - دەپ اتاپ ءوتتى باۋىرجان بايبەك.

پارتياعا مۇشە بولعانداردىڭ اراسىندا «قازاقستاننىڭ 100 جاڭا تۇلعاسى» جوباسىنىڭ جەڭىمپازى، دارىگەر-كارديوحيرۋرگ ءارى «بولاشاق» باعدارلاماسىنىڭ تۇلەگى بەركىن تۇرقۇلوۆ، شاحماتشى جانسايا ابدىمالىك، نانوتەحنولوگيا جانە نانوماتەريالدار دوكتورى، ءال-فارابي اتىنداعى ءقازۇۋ-نىڭ وقىتۋشىسى گاۋحار سىماعۇلوۆا، وليمپيادا چەمپيونى دميتريي بالاندين، ونەرتاپقىش ايبەك راحيم، جاس كاسىپكەر اقىلبەك اققايىر، جۋرناليستەر وكسانا دراچيەۆا مەن نۇرگۇل اسانوۆا، جاس سۋرەتشىلەر ورتالىعىنىڭ جەتەكشىسى كريستينا بەكمۇرزايەۆا بار.