الماتىدا ورتا ءبىلىم بەرەتىن مەكەمەلەردىڭ 100-دەن استام مۇعالىمدەرى قاتىسقان «ۇستاز مارتەبەسى – ۇلت مەرەيى» قالالىق كونكۋرسىنىڭ قورىتىندىسى شىعارىلدى.

№159 مەكتەپتىڭ قازاق ءتىلى مەن ادەبيەتى ءپانىنىڭ ءمۇعالىمى ساۋلە احمەتوۆا الماتىنىڭ «ۇزدىك ءمۇعالىمى» اتاندى، وعان جاڭادان اشىلعان №168 مەكتەپتە سالتاناتتى تۇردە ءاۆتوموبيلدىڭ كىلتى تاپسىرىلدى. №140 مەكتەپتىڭ ينفورماتيكا ءپانىنىڭ ءمۇعالىمى نۇرعالى نۇرىمبەتوۆكە وتباسىلىق دەمالىستىڭ جولداماسى بەرىلدى. بۇلاردان وزگە ءبىرقاتار ۇستازدارعا ديپلومدار مەن 500 جانە 300 مىڭ ءىرى تەڭگەلىك سەرتيفيكاتتار تابىس ەتىلدى. ۇستازدار اراسىندا مۇنداي بايقاۋ وتكىزۋدىڭ باستاماشىسى- جەرگىلىكتى كاسىپكەر مۇرات ءادىلحانوۆ، ول «تۋعان جەر» باعدارلاماسى اياسىندا وسى وقۋ مەكەمەسىن سالىپ بەرگەن ەدى.

«مەملەكەت باسشىسىنىڭ قولداۋى ارقاسىندا الماتىدا 117 وقۋ ورىندارى سالىندى. تەك سوڭعى بەس جىل ىشىندە عانا ءبىلىم سالاسىن قارجىلاندىرۋ مەگاپوليستە 37%-عا نەمەسە 27 ملرد. تەڭگەگە ءوستى. قازىرگى كەزدە ءبىلىم سالاسىنىڭ ينفراقۇرىلىمىن دامىتۋعا ەرەكشە نازار اۋدارىلۋدا. تەك بيىلدىڭ وزىندە عانا قۇرىلىس پەن كۇردەلى جوندەۋ جۇمىستارىنا 17 ملرد. تەڭگەدەن استام قارجى ءبولىندى. مەن سىزدەرگە بارىنشا جاۋاپتى ءارى قيىن جۇمىستارىڭىز ءۇشىن العىس ايتامىن. ۇستازداردىڭ جۇمىس ساپاسى وقۋشىلارىنىڭ ءتۇرلى بايقاۋلاردا جەڭىمپاز اتانۋىمەن جانە وزدەرىڭىزدىڭ جەكە كاسىبي بىلىكتىلىكتەرىڭىزبەن ايقىندالادى»، - دەپ اتاپ ءوتتى ءوزىنىڭ قۇتتىقتاۋ سوزىندە الماتى اكىمى باۋىرجان بايبەك.

ايتا كەتەرلىگى، مەملەكەت باسشىسىنىڭ جولداۋىن جۇزەگە اسىرۋ بارىسىندا بيۋدجەت قارجىسى ەسەبىنەن قالادا تاعى دا 8 جاڭا مەكتەپ سالىنادى.

جىل باسىنان بەرى جاڭارعان ادىسپەن ءدارىس بەرۋگە كوشكەن الماتى مۇعالىمدەرىنىڭ 70%-ىنىڭ جالاقىسى 30%-عا ءوستى. ۇلتتىق تەستىلەۋدەن وتكەن 1293 ءمۇعالىم 1 قىركۇيەكتەن باستاپ العاش رەت وزدەرىنىڭ قىزمەتتىك جالاقىسىنا 30 دان 50%-عا دەيىن قوسىمشا ۇستەمە الاتىن بولادى.

بۇدان وزگە، مەملەكەت اعىلشىن تىلىندە ساباق بەرەتىن مۇعالىمدەرگە قولداۋ كورسەتۋدە. بيىل مىنە، ەكىنشى جىل فيزيكا، حيميا، بيولوگيا،ينفورماتيكا پاندەرىن اعىلشىن تىلىندە وقىتاتىن ۇستازدارعا وزدەرىنىڭ قىزمەتتىك جالاقىسىنىڭ ۇستىنە 200%-دىق كولەمدە قوسىمشا اقى تولەنەدى.