جەدەلساتى دا كۇندەلىكتى تىنىس-تىرشىلىگىمىزدىڭ ءبىر بولشەگىنە اينالدى. اسىرەسە، كوپقاباتتى تۇرعىن ۇيلەردە تۇراتىن قارت كىسىلەرگە، بالا-شاعا ءۇشىن، جۇمىسقا اسىققان ادامدارعا دا وتە كەرەك. ليفت قىزمەتىنە قالتامىزدان اي سايىن اقشا تولەيتىندىكتەن، ونىڭ قىزمەتىنىڭ دە ساپالى بولعانىن قالايمىز.

كوممۋنالدىق قىزمەتتەر ساپاسىن جاقسارتۋ جانە ونىڭ تيىمدىلىگىن  ارتتىرىپ، اشىق بولۋىن قامتاماسىز ەتۋ ماق­ساتىندا اتقارىلعان جۇمىستار ناتيجەسىندە الماتى قالالىق تۇرعىن ءۇي جانە تۇرعىن ءۇي ينسپەكسياسى باسقارماسى مەن تۇرعىن ۇيلەردەگى ليفت قىزمەتىن ۇسىناتىن سەرۆيستىك كومپا­نيالار اراسىندا ءوزارا ءارىپ­تەستىك تۋرالى مەموراندۋمعا قول قويىلدى.

سونىمەن قاتار، وسى مەمو­راندۋم اياسىندا شاھارداعى جە­دەلساتىلاردىڭ 80%-دان استامىن قامتاماسىز ەتىپ وتىرعان «الما­تىليفت»، «ليفت-قىزمەت سەرۆيس»، «ليفت-كومپلەكس»، «ليفتينۆەست»، «KazlءىftStade» جانە «قازليفت-مونتاج» سىندى جاۋاپكەرشىلىگى شەكتەۋلى سەرىكتەستىكتەر وسى جىلدىڭ جەلتوقسان ايىنان باستاپ ءتاريفتى 8،5%-عا تومەندەتۋ تۋرالى مىندەتتەمە قابىلدادى. وسى ورايدا ايتا كەتەيىك، جاۋاپ­تى ماماندار قىزمەت كورسەتۋ ساپاسى ەشقانداي تومەندەمەيدى دەپ وتىر.

بۇگىنگى تاڭدا الماتى قالاسى بويىنشا 4 مىڭنان استام جەدەل­ساتى بار. تۇرعىن ءۇي باسقارماسى وكىلدەرىنىڭ ايتۋىنشا، قالادا تۇرعىن ۇي-كوممۋنالدىق شارۋا­شىلىق سالاسىن جاڭعىرتۋ بويىن­شا كەشەندى جۇمىستار اتقا­رىلۋ­دا. مىسالى، وسى  ماسەلە تۇرعى­سىندا ايتار بولساق، سوڭعى  ءۇش جىلدا توزىعى جەتكەن 512 ليفت اۋىستىرىلعان.