كىرە بەرىستە تۇرعان ۇلكەن ساعات قيسايىپ قالسا، كۇندە كىرىپ-شىعىپ جۇرگەندەر ونى قانشا كورسە دە تۇزەتپەيدى، قيسايعان ساعاتقا  قاراۋعا كوزدەرى ۇيرەنىپ قالعان، وعان ەش ءمان بەرمەيدى، مىنە، بۇل «كورپوراتيۆتىك سوقىرلىق» دەپ اتالادى. ءبىزدىڭ قوعامدا وسىنداي كورپوراتيۆتىك سوقىرلىقتار جەتەدى. تاۋەلسىزدىك مەرەكەسى تاياپ كەلەدى،  بۇكىل ەل تاۋەلسىزدىكتى ەمەس، جاڭ جىلدى تويلاۋعا دايىندالىپ جاتىر، كوشەلەر الدە قاشان سول اتالمىش مەرەكەلەرىنە قۇتتىقتاۋ پلاكاتتارىن ءىلىپ تاستاعان.

 “جاڭا جىلدى قالاي قارسى الامىز، قىتايدىڭ شاعان مەرەكەسىنە تاس ءتۇيىن دايىندالا بەرىڭدەر” -، دەپ باستادى ءبولىم مەڭگەرۋشىسى العاشقى ءسوزىن، ورتاسىندا ءبىر ورىس نە ءبىر قىتايى جوق قول استىنداعى وڭكەي قازاققا. ولار دا قۋانا ماقۇلدىق تانىتتى.

قازاققا، قازاقستانعا تاۋەلسىزدىكتەن ارتىق مەرەكە بار ما؟ ءبىز تاۋەلسىزدىك مەرەكەسىنەن ءبىرتۇرلى قورقامىز با؟  ءيا، ول ءبىر قارالى كۇن. ءبىراق تاريحقا قاراساق، كەز-كەلگەن جەڭىس قۇربانسىز قولعا كەلگەن ەمەس. تاۋەلسىزدىك مەرەكەسى دەپ مەملەكەت بەكىتتى، دەمەك مەرەكەنى مەرەكە رەتىندە تويلاۋىمىز قاجەت ەمەس پە؟ تاۋەلسىزدىك بولماسا، باسقانىڭ ءبارى بەكەر.

قaرaشaنىڭ سوڭعى كۇندەرى. بۇكىل رەسپۋبليكa جۇرتى بىردەڭەدەن سەكەم aلa aبىر-سaبىر كۇي كەشەدى. ارتىنشa جەلتوقسaننىڭ جەلى گۋلەپ، جەر بەتىن ەرتەلى-كەش تۇمaن تۇمشaلaپ، اسپان كورىنبەي تۇرادى. جەر بەتى ءاماندا كۇڭگىرت تۇسكە ەنىپ، ەلدىڭ قاباعى ءتۇيىلىپ جۇرەدى، تۇنىمەن aدaمدaر تۇڭعيىق ويعa بaتىپ، وتكەندى وكىنە دە، سaعىنa دa ەسكە aلaدى. بۇل جەرگە قونa aلمaي كوكتە قaلىقتaي ۇشقaن «جەلتوقسaنشىل» بaتىر جaستaردىڭ رۋحى دەپ توپشىلaيدى بىلaيعى جۇرت. ال aتقaمىنەرلەر ەكى aدaمنىڭ بaسى قوسىلىپ، ءۇشىنشى aدaم سول الاڭعا قaرaي aياڭدaسa بولدى، كۇدىكپەن قaرaيدى. بۇل نە؟ بۇل كورپوراتيۆتىك سوقىرلىق. ەلباسىنىڭ ايتقان ماڭگىلىك ەلى قايدا، رۋحاني جاڭعىرۋى قايدا، ۇلى دالانىڭ جەتى قىرى قايدا، ءبىز قايدا؟ كەز-كەلگەن مەرەكەنىڭ شىعۋ تەگىنە، كەلۋ قاينارىنا ءبىر ءسات ءۇڭىلۋ دەگەن بىزدە جوق.

كورپوراتيۆتىك سوقىرلىقتاردى ساناپ كورسەك: «رايمبەك» دەپ كوشە اتى جازۋلى تۇرسا دا، قوعامدىق كولىكتەگى ديپلومسىز قالاعا كەلگەن اقشا العىش قارا بالا «تاشكەنتسكي» دەپ ورىسشا ايتىپ، اۋىلدان جاڭا كەلگەنىن جاسىرادى. ءوز ەلىمىزدە ءوز تىلىمىزدە سويلەمەي وزگەنىڭ تىلىندە شۇلدىرلەپ، سولاي مادەنيەتتى ادام بولىپ كورىنەمىز.

اقجاعالىلار مەن قۇقىق قورعاۋشى ورگاننىڭ قىزمەتكەرلەرى قازاققا قوقيلانىپ، باسقالارعا باسىن ءيىپ كىشپەيىل بولا قالادى.

مەكتەپ وقۋلىقتارىن (ەش وزگەرمەيتىن پاندەردى دە) جىلدا قايتا جازا بەرەمىز، بالالاردىڭ تاپسىرماسىن اتا-اناسى زورعا ورىندايدى.

تەمەكىنىڭ سىرتىندا سۇمدىق-سۇمدىق سۋرەتتەر تۇرعانىنا قاراماستان تەمەكى شەگەتىن ادامدار كوپ.

بالا-شاعامىزبەن ۇياتسىز عالامتورمەن تەلە جاشىكتى بىرگە اقتارىپ وتىرا بەرەمىز. بالالارىمىزبەن بىرگە مونشاعا بارىپ، تايراڭداپ جۇرە بەرەمىز، قايتىپ كەلگەسىن وزىمىزشە ۇرىسامىز، اقىل ايتامىز.

وزىندەگى قازاقتى قىسىپ، شىرقىراتىپ جاتقانىنا قاراماستان، ءبىز كۇندە ولارمەن اۋىز جالاسىپ دوستاسىپ جاتىرمىز. تىم بولماعاندا، سالقىندىق تانىتقانىمىز دا جوق.

جۇمىسقا كولىگىمىزبەن كەلىپ، جۇمىسقا تيەسىلى اۆتو تۇراققا اقشا تولەيمىز.

جوعارى وقۋ ورىندارىندا تۇسكى استىڭ  ۋاقىتى جوق، ءبارىنىڭ اسقازانى اۋىرادى.

جوعارى وقۋ ورنىندا كىلەڭ قىز وقيدى، ۇلدار بازاردا اربا سۇيرەيدى.

ءبىلىمى جوق بولسا دا، ديپلومى بولسا مىقتى مامان ەسەپتەلەدى.

ەكى ءسوزدىڭ باسىن قۇراپ ايتا المايتىن، ءبىر اۋىز ءسوزدى تۇسىنبەيتىن، باس دەسەڭ قۇلاق دەيتىن جاستار دا، جاسامىستار دا كوبەيدى.

جالاڭاش جۇرگەن قىزعا قىزىعا قاراپ، كويلەك كيگەن قىزدى حانتالاپايعا سالامىز.

بىرەۋدىڭ نەكەلى جارىنا، باسقا ايەل زاتىنا قول تيگىزۋدىڭ ءوزى كۇنانىڭ جولى ەكەنىن بىلە تۇرا، بەتىنەن شوپىلدەتە ءسۇيىپ امانداسامىز،  كۇيەۋى جانىندا كۇلىپ قاراپ تۇرادى. جازۋشى مەن اقىندار قىزعا قىرىنداۋدى ەرلىككە پاراپار ەتىپ جىرلايدى.

افريكادا اشتىقتان بۇراتىلىپ ءولىپ بارا جاتقان بالانىڭ جەمتىگىن جەۋگە دايىندالىپ، تۇمسىعىن جانىپ وتىرعان تازقارا مەن قارا بالانى فوتوعا تۇسىرگەن اق ءتاندى فوتو سۋرەتشىگە الەمدىك باس جۇلدەنى بەرگەن ءادىل قازىلار القاسى سياقتى ادامدار بىزدە كوپ بۇگىندە.  جۇلدەگەر ۇيىنە بارىپ  «بالانى نەگە قۇتقارمادىم، فوتوعا تۇسىرگەنشە»-، دەپ تۇنىمەن دوڭبەكشىپ، ارى شىداماي تاڭ اتا جان تاپسىرىپتى.

كورپوراتيۆتىك سوقىرلىقتى تىزە بەرسەك، تاۋىسا المايمىز.

شەرحانداي ەل اعاسىن ايۋ تىرناقتى ساۋاتسىز ءتىلشى قىز جاندى جەرىن وسقىلاي اياۋسىز تىرناپ، ەگىلتە جىلاتادى.

كورپوراتيۆتىك سوقىرلىقتى تىزە بەرسەك، تاۋىسا المايمىز.

نۇرحالىق ابدىراقىن