«حالىققا ارنالعان ۇكىمەت» مەملەكەتتىك كورپوراسياسىنىڭ باسشىسى ابىلايحان وسپانوۆتىڭ ايتۋىنشا، جاڭادان اشىلعان ەكى مامانداندىرىلعان حالىققا قىزمەت كورسەتۋ ورتالىعى ناۋرىزباي جانە جەتىسۋ اۋداندارىندا ورنالاسقان.

ناۋرىزباي اۋدانىنداعى حقكو شۇعىلا كوشەسى، 222/2 مەكەن-جايىندا ورنالاسقان. ال جەتىسۋ اۋدانى اۋماعىنداعى حقكو «قۇلاگەر» شاعىناۋ­دانىنداعى سەرىكوۆ كوشەسى، 6ا مەكەن-جايىندا اشىلدى.

ال بۇعان دەيىنگى اشىلعان حالىققا قىزمەت كورسەتۋ ورتا­لىعى «سايالى» شاعىناۋ­دانىن­داعى اققاينار، 1 كوشە­سىندەگى مە­كەن-جايدا بولسا، ەكىنشىسى ماي­لين كوشەسى، 85 ۇيدە ورنالاسقان.

سونىمەن قاتار، ا.وسپانوۆ ءوز سوزىندە كولىكتى تىركەۋگە بايلا­نىستى قىزمەت پەن جۇرگىزۋشى كۋالىگىن اۋىستىرۋ قىزمەتتەرى ەندى قازاقستاندىقتارعا ونلاين رە­جيمدە دە قولجەتىمدى ەكەنىن ايتىپ ءوتتى.

بۇگىنگى كۇنى ەلەكتروندىق پورتال ارقىلى كولىكتى تىركەۋ بويىنشا 3 مىڭنان اسا قىزمەت كورسەتىلسە، الماتى بويىنشا 550،  ال جۇرگىزۋشى كۋالىگىن اۋىس­تىرۋعا بايلانىستى 13 مىڭنان اسا قىزمەت كورسەتىلگەن. ونىڭ ىشىندە 1765 قىزمەت الماتىعا تيەسىلى.