الماتى قالاسى الاتاۋ اۋدانى اۋماعىندا ءۇش كۇن بويى وتكەن قۇسبەگىلىكتەن ءىى اشىق ازيا چەمپيوناتى 2 جەلتوقساندا ءتۇس اۋا ءوز مارەسىنە جەتتى. ءسويتىپ، 30 قاراشا كۇنى تۋىن كوتەرگەن بۇل جارىسقا الەمنىڭ توعىز مەملەكەتىنەن 71 قۇسبەگى قاتىسىپ، ب ا ق سىناستى.
اڭعا قۇس سالۋدان، ياعني قۇسبەگىلىكتەن وتكەن ءىى اشىق ازيا چەمپيوناتىنىڭ بۇركىتشىلەر باسەكەسىندە بارلىعى 71 ءبۇركىتشى ب ا ق سىنادى. سولاردىڭ اراسىندا ونىڭ جارتىلاي فينالىنا 10 ءبۇركىتشى سۋىرىلىپ شىققان بولاتىن. بۇل رەتتە بۇركىتتى قولعا شاقىرۋ مەن شىرعاعا تۇسىرۋدە الماتى وبلىسىنان ابەن دۋلات، تاستانبەك بايراق، سەيىتجان ايان، بايەتباي ءومىرحان، تۇركىستان وبلىسىنان – ارشاباي داۋرەن، الماتى قالاسىنان – قۇرمانعالييەۆ اقبەرەن، اتىراۋ وبلىسىنان – قوشقاروۆ ارمان، سلوۆاكيادان – قانات ياروسلاۆ، شىعىس قازاقستان وبلىسىنان – نۇرمان ومىربەك جانە قىرعىزستاندىق يسمايلوۆ امان ۇزدىك ناتيجە كورسەتىپ، اقتىق سىنعا جولداما العان بولاتىن.
مىنە، جارىستىڭ سوڭعى كۇنى وسى ون بۇركىتشىنىڭ ىشىنەن قۇستارىن قويان مەن تۇلكىگە جاڭىلماي، ءدوپ تۇسىرە بىلگەن مىنا تومەندەگى قۇسبەگىلەر ءىى اشىق ازيا چەمپيوناتىنىڭ جۇلدەلى ورىندارىن يەلەءنىپ، ءتۇرلى قارجىلاي سىيلىقتارمەن ماراپاتتالدى. سونىمەن، اتالعان ءبىرىنءشىلىك قورىتىندىسى بويىنشا بۇركىت سالۋدا 1-ورىندى قىرعىزستاندىق يسمايلوۆ امان، 2-ورىندى اقمولالىق تاستانبەك بايراق ال جۇلدەلى ءۇشىنشى بايگەنى الماتى قالاسى اتىنان قاتىسقان بۇركىتشىلەر جەڭىپ الدى.
ال ەندى چەمپيوناتتىڭ سوڭعى كۇنى باسەكەگە تۇسكەن قارشىعا، يتەلگى باپتايتىن 13 قۇسبەگى اراسىنان باباجان بەرىكبولسىن (1-ورىن)، ماحمۋتحان زاكي (2-ورىن) جانە سەيىتجان بەكسۇلتان (3-ورىن) سەكىلدى سپورتشىلار جەڭىسكە جەتىپ، ءىى اشىق ازيا چەمپيوناتىندا مەرەيلەرى ۇستەم بولدى. ال ەندى يتەلگى سالۋدا قىرعىز ەلىنەن كەلگەن تۋگولبوي ابدۋقادىروۆ ءبىرىنشى ناتيجەمەن، الماتىلىق رۋسلان ابدۋلوۆ ەكىنشى كورسەتكىشپەن جانە ءۇشىنشى شەبەرلىكپەن جامبىلدىق ۇسەن ايبار ءبارىنەن وق بويى الدا بولدى.
ادەتتەگىدەي قىزىقتى دا تارتىستى وتكەن قۇسبەگىلىكتەن ءىى اشىق ازيا چەمپيوناتى بۇل جولى دا جوعارى دارەجەدە قورىتىندىلاندى. بۇل جارىستا، اسىرەسە، قىرعىز قۇسبەگىلەرى وتە جاقسى ناتيجە كورسەتىپ، قازاقستاندىق قۇسبەگىلەردى ەكىنشى ورىن يەلەنۋىنە ءماجبۇر ەتتى. اتاپ وتەتىنى، بۇل باسەكەدە بەسىنشى ورىن العان قۇسبەگىلەرگە دەيىن سىي-سياپاتقا، ياعني قارجىلاي ماراپاتقا يە بولدى.
