ازاماتتىڭ زاڭدى قىزىعۋشىلىقتارى مەن ەركىندىگىن، كونستيتۋسيالىق قۇقىعىن قورعاۋ ماقساتىندا تۇرمىستىق زورلىق-زومبىلىق كورگەن ادامدار ءۇشىن فرونت-وفيستەر اشىلدى.
«ايەلدەر وتباسىندا فيزيكالىق، پسيحولوگيالىق، سەكسۋالدىق جانە ەكونوميكالىق تۇرعىدا زورلىق-زومبىلىققا ۇشىرايتىن جاعداي ءجيى كەزدەسەدى. سوعان بايلانىستى، پوليسيا تۇرمىستىق زورلىق-زومبىلىقتىڭ الدىن-الۋ شارالارىن جۇزەگە اسىرىپ، وتباسىنداعى زورلىق تۋرالى نەمەسە ونىڭ بولاتىنى جايىندا بوپسالاۋعا قاتىستى حابارلاما مەن ارىزداردى قارايدى. ازاماتتىڭ قۇقىعى تاپتالعان وقيعا ورنىنا بارىپ، كىنالىنى اكىمشىلىك قاماۋعا الىپ جاتىر»، - دەدى پوليسيا مايورى اقبوتا ءابىلقاسىموۆا.
پوليسيا تۇرمىستىق زورلىق-زومبىلىققا ۇشىراعان ايەلدەرگە قۇقىقتىق شارالار ۇيىمداستىردى. پروفيل ينسپەكتورلارى فرونت-وفيستاردا تاڭعى 9:00-دەن كەشكى 20:00-گە دەيىن كەزەكشىلىك ەتەدى. پوليسيا زورلىق-زومبىلىقتىڭ كۋاسى بولعان نەمەسە ءوزى سول جاعدايعا تۇسكەن ازاماتتاردىڭ جاقىن ماڭداعى پوليسيا بولىمشەسىنە حابارلاسۋىن سۇرايدى.
