شاعىن جانە ورتا كاسىپكەرلىك – مەملەكەتتىك ەكونوميكانىڭ دامۋىنا ۇلەس قوساتىن اسا ماڭىزدى باعىتتارىنىڭ ءبىرى. ياعني، شاعىن جانە ورتا كاسىپكەرلىكتىڭ دامۋى - الەۋمەتتىڭ ءال-اۋقاتى ارتىپ، تۇرمىس ساپاسى جاقسارۋىن بىلدىرەدى. ەكونوميكا تۇراقتى بولادى. سوندىقتان بولار بۇل سالانى دامىتۋ ءۇشىن مەملەكەت تاراپىنان ءبىرقاتار جۇمىستار اتقارىلىپ جاتىر. سونداي شارالاردىڭ ءبىرى – بيزنەسكە ارنالعان اشىق سيفرلىق پلاتفورما (Ismet.kz). 

سيفرلىق الاڭعا توقتالماس بۇرىن، ەلدەگى شاعىن جانە ورتا كاسىپكەرلىكتىڭ جاي-كۇيىن ايتىپ وتسەك. ەكونوميستەردىڭ دەرەگىنشە، شاعىن جانە ورتا كاسىپكەرلىك ارقىلى جۇمىسپەن قامتىلعاندار ەلىمىزدە 31 پايىزدى قۇرايدى. ال الەم ەلدەرىنە كوز جۇگىرتسەك، بۇل كورسەتكىش اقش-تا – 53 پايىز، جاپونيادا – 70 پايىزدان اسادى. شوب-تىڭ يننوۆاسيالىق بەلسەندىلىگىنە كەلەر بولساق، ستاتيستيكا كوميتەتىنىڭ جۇرگىزگەن ساۋالناماسىنا سايكەس، 19 356 شاعىن كاسىپورىننىڭ 1007-دە عانا يننوۆاسيامەن جۇمىس ىستەيدى. ال پايىزدىق كورسەتكىشتەر بويىنشا نەبارى 5،2 پايىزدى قۇرايدى. شوب سۋبەك­تىلەرىنىڭ ۇلتتىق ەكونوميكانىڭ ءتۇرلى سالالارىنداعى ۇلەسىن اتاپ وتەر بولساق، بۇگىندە شاعىن جانە ورتا كاسىپكەرلىك سۋبەكتىلەرىنىڭ 42 %-عا جۋىعى بولشەك ساۋدا سالاسىندا ەكەن. ال اۋىل شارۋاشىلىعىندا  18%-ى، قۇرىلىستا 2،7%-ى، كولىك پەن بايلانىستا 7،6%-ى، قىزمەت كورسەتۋ سالاسىندا 26%-ى بولسا، ونەركاسىپتە نەبارى 2،9 پايىز ەكەن.       

اتالعان سالانى دامىتۋعا ارنالعان Ismet.kz جوباسى 2018 جىلدىڭ جازىندا ىسكە قوسىلدى. بۇل ەلىمىزدەگى جەتەكشى بايلانىس وپەراتورى – «قازاقتەلەكوم» اق-نىڭ باستاماسىمەن جۇزەگە اسۋدا. «قازاقتەلەكوم» اق بيزنەس-شەشىمدەر جانە ينفوكوممۋنيكاسيا دەپارتامەنتىنىڭ ديرەكتورى قۋات ساندالوۆتىڭ سوزىنشە، ايتۋلى جوبا بيزنەس سالاسىنداعى كەدەرگىلەر جويۋعا باعىتتالعان.

«ءبىز شاعىن جانە ورتا بيزنەستەگى بىرنەشە ماسەلەلەرگە نازار اۋداردىق. ولاردىڭ ءبىرى – پروسەستى اۆتوماتتاندىرۋدىڭ تومەن دەڭگەيى بولىپ وتىر. ال Ismet.kzء-تىڭ الەۋەتى وتە جوعارى. ءبىزدىڭ پلاتفورما ارقىلى قولدانۋشىلار مەن جەتكىزۋشىلەردى ەلەكتروندى كوممەرسياعا تارتقىمىز كەلەدى. ول بارلىق جاعىنان ىڭعايلى، مۇنداي جايلى الاڭ ءالى ويلاپ تابىلعان جوق»، – دەيدى ق. ساندالوۆ.

ونىڭ ايتۋىنشا، سيفرلىق پلاتفورمانىڭ باستى تاپسىرماسى – بۇل ەكوجۇيەلەردى قۇرۋ. ارتىنشا شاعىن جانە ورتا كاسىپكەرلىك ءۇشىن سيفرلىق قاتىناس جاسالادى.

جوبانىڭ نەگىزگى ماقساتى - زاماناۋي بيزنەستىڭ جەڭىل جانە قولجەتىمدى الاڭىن قۇرۋ. پورتال جاڭا مۇشەلەردى تىركەۋ جانە قىزمەتتەرگە تاپسىرىس بەرۋ ءۇشىن اشىق. كاسسانى، ەلەكتروندى قۇجات اينالىمىن جانە بۋحگالتەرلىك ەسەپتى اۆتوماتتاندىرۋ بويىنشا قىزمەتتەر قولجەتىمدى. كليەنتتەر قىزمەتتەر تۋرالى پىكىرلەر قالدىرا الادى جانە ولارعا باعالاۋدى بەرە الادى. بلوگتار بولىمىندە قىزمەتتەردى دامىتۋعا، ءوزىڭىزدىڭ بيزنەسىڭىز تۋرالى ايتۋعا، باسقا قاتىسۋشىلاردىڭ پىكىرىن جيناۋعا جانە سوڭعى ۇردىستەردى بىلۋگە بولادى.

Ismet.kzء-تىڭ ارتىقشىلىقتارى: ۋاقىت پەن ترانزاكسيا باعاسىن قىسقارتادى؛ جاڭا نارىقتىق مۇمكىندىكتەردى يگەرۋگە مۇمكىندىك بەرەدى؛ بيزنەستىڭ باسەكەگە قابىلەتتىلىگىن ارتتىرادى، بىلىكتى كادرلارمەن قامتاماسىز ەتەدى. سيفرلىق پلاتفورما ارقىلى ساتۋ كولەمىن ارتتىرۋعا، بولجاناتىن كەدەرگىلەردى وڭاي باسقارۋعا جانە پرواكتيۆتى بيزنەستى قۇرۋعا بولادى. وعان قوسا، ينۆەستور مەن سەرىكتەس جانە ساپالى ماماندار تابۋعا بولادى.