«قازاقتەلەكوم» اق «سيفرلىق قازاقستان» مەملەكەتتىك باعدارلاماسىنىڭ اياسىندا بيزنەسكە ارنالعان اشىق سيفرلىق پلاتفورماسىنىڭ قىزمەتىن ۇسىنۋدا. ەلىمىزدەگى جەتەكشى بايلانىس وپەراتورى سانالاتىن بۇل كومپانيا اكت-قىزمەتتەرىن ۇسىنۋ بويىنشا دا باي تاجىريبەگە يە. ونىڭ 15 Data-سەنترلەرىنە (كولەمى 11،5 مىڭ شارشى مەتر) 22 مىڭ سەرۆيس سيادى. بۇل دەگەنىمىز، اقپاراتتىق قاۋىپسىزدىك وتە جوعارى دەڭگەيدە دەگەن ءسوز. ءتىپتى مۇندا الەمدەگى الپاۋىت كومپانيالار – Google مەن Facebook-تە وزدەرىنىڭ دەرەكتەرىن ساقتايدى ەكەن.

جەتەكشى كومپانيا ۇسىنعان سيفرلىق قىزمەت ارقىلى ەلىمىزدەگى ەلەكتروندى ساۋدا دامي تۇسپەك. اتاپ ايتقاندا، Ismet.kz پلاتفورماسى ونلاين ساۋدا نارىعىن ىلگەرىلەتۋگە اتسالىسادى. رەسمي دەرەكتەر بويىنشا، ەلىمىزدە ەلەكتروندى ساۋدا سالاسى جىل سايىن 30 پايىزعا ارتىپ كەلەدى. دەگەنمەن،
ە-كوممەرسيا بويىنشا الەمدىك رەيتينگتە 88ء-شى ورىنعا تۇراقتاپپىز. ال اقپاراتتىق تەحنولوگيالاردى بيزنەستە قولدانۋ بويىنشا 67ء-شى ورىندا ەكەنبىز. مۇنىڭ بارلىعى سيفرلىق الەۋەتىمىزدى تولىقتاي كورسەتىپ وتىر.

الايدا، ەلىمىزدە سيفرلاندىرۋعا قاتىستى كەشەندى شارالار جۇرگىزىلۋدە. بۇعان قاتىستى ارنايى مەملەكەتتىك باعدارلاما دا بار. جاڭا تەحنولوگيالاردى كەڭىنەن قولدانۋ جانە سيفرلىق الاڭداردى ءتيىمدى پايدالانۋ جوعارىداعى كورسەتكىشتەردىڭ وزگەرۋىنە اسەرىن تيگىزەرى انىق. اسىرەسە، شاعىن جانە ورتا كاسىپكەرلىككە ارنالعان سيفرلىق الاڭ – بيزنەس سالاسىنداعى جاڭاشىلدىقتارعا اكەلەدى. ياعني، ەلەكتروندى قىزمەتتەر دامىپ، ونلاين قۇجاتتار ودان سايىن جاندانا تۇسپەك. بۇل ءوز كەزەگىندە كاسىپكەرلىكتىڭ دامۋىنا جاڭا سەرپىن بەرەتىن بولادى.

اشىق سيفرلىق پلاتفورمادان كاسىپكەرلەر قانداي كومەك الا الادى؟ ەڭ الدىمەن تاۋارىن ساتۋعا، قىزمەتتەرىن ۇسىنۋعا جاڭا نارىقتى تابادى. بۇدان بولەك، مەملەكەتتىك قولداۋ تۋرالى اقپاراتتار مەن كەڭەستەردى الا الادى. بلوگتار مەن فورۋمدار ارقىلى سەرىكتەس ىزدەۋگە، باسقا كاسىپكەرلەرمەن ديالوگ قۇرۋعا مۇمكىندىكتەرى پايدا بولادى. كاسىپتەرىن ىلگەرىتۋگە ارنالعان اناليتيكالىق ماقالالارمەن تانىسا الادى.

Ismet.kzء-تىڭ تيىمدىلىكتەرى مەن ارتىقشىلىقتارىنا كەلەر بولساق، بۇل ءبىر الاڭدا جينالعان ءتۇرلى سەرۆيستەردى الۋ، جاڭا نارىقتىق مۇمكىندىكتەردى يگەرۋگە مۇمكىندىك بەرەدى، بيزنەستىڭ باسەكەگە قابىلەتتىلىگىن ارتتىرادى، بىلىكتى كادرلارمەن قامتاماسىز ەتەدى.

وسىنداي سيفرلىق الاڭنىڭ ارقاسىندا بيزنەس-ەليتا كاسىبىنە قاتىستى قىزمەتتەردى تەز، جەڭىل، قولجەتىمدى، ىڭعايلى نۇسقادا الا الادى. مۇندا كاسىبىن ەندى عانا باستايمىن دەگەن جاس بيزنەسمەندەرگە دە ۇلكەن مۇمكىندىكتەر قاراستىرىلعان. ماسەلەن، ماركەتينگ بويىنشا تەگىن زەرتتەۋلەر مەن كەڭەستەر تەگىن تۇردە بەرىلەدى.