اقش پرەزيدەنتى دونالد ترامپ زايىبى مەلانيامەن بىرگە روجدەستۆو مەيرامىنىڭ قارساڭىندا بالالارمەن كەزدەسىپ، ولاردىڭ ساۋالدارىنا تىكەلەي  جاۋاپ بەرەدى.

The Hill باسىلىمى جازعانىنداي، جەتى جاستاعى كوۋلمان اتتى بالا اق ءۇي قوجايىنىنان سانتا كلاۋستى كۇتىپ جۇرگەنىن، ونىڭ ۇيگە قاشان كەلەتىنىن سۇراعان. الايدا سونشاما ۇمىتپەن سۇراق قويعان بالاعا پرەزيدەنت كۇتپەگەن جەردەن جاۋاپ بەردى.

–سەن ءالى كۇنگە دەيىن سانتا كلاۋسقا سەنەسىڭ بە؟ سەنىڭ جاسىڭدا سانتا كلاۋسقا سەنۋ ۇيات. بۇل دۇرىس نارسە ەمەس،–دەدى اقش پرەزيدەنتى.

مۇنان كەيىن ترامپ وزىنە ءتان يشارامەن بالاعا قاراپ كۇلدى دە، وعان دەمالىسىن جانە بوس ۋاقىتىن ءتيىمدى وتكىزۋدى سۇرادى. پرەزيدەنتتەن مۇنداي جاۋاپ كۇتپەگەن بالا ءبىرتۇرلى توسىرقاپ قالعانىن ءقازىر بۇكىل امەريكالىق ب ا ق جارىسا  جازىپ جاتىر.

–پرەزيدەنت ترامپ سالتاناتتى شاراعا كەلگەن بالانىڭ مەرەكەلىك كوڭىل كۇيىن وسىلاي بۇزدى. ال سانتا كلاۋسقا جانە ۇلكەندەرگە سەنىممەن قارايتىن جەتى جاسار بالانىڭ بەتىن بۇلاي قايتارۋعا بولمايدى. بالانىڭ اتى –بالا، ال ترامپتىڭ بۇل ارەكەتى دۇرىس ەمەس، –دەپ جازدى The Hill باسىلىمى.

♦"سانتا كلاۋس" وباما اۋرۋحاناداعى بالالارعا توسىن سىي جاسادى

ءبىر قىزىعى،  سولتۇستىك امەريكانىڭ اەروعارىش بىرلەستىگىنىڭ اكىمشىلىگى (NORAD) 1955 جىلدان بەرى اق ءۇي  ليدەرىمەن تۇراقتى كەزدەسۋ وتكىزىپ كەلەدى. ويتكەنى ەلدىڭ ۇلكەن قالاسىنداعى سۋپەرماركەتتىڭ بىرىندەگى جارنامادا بايقاۋسىزدا  NORAD-تىڭ بەلگىسى تاڭبالانىپ كەتكەن. سودان بەرى پرەزيدەنتپەن كەزدەسۋ يگى داستۇرگە اينالعان ەكەن.