اقتوبەدە مۇمكىندىگى شەكتەۋلى جانداردى قولداۋ ءۇشىن قايىرىمدىلىق بالى ءوتتى.
اقتوبە وبلىسىندا مەملەكەتتىك ورگانداردىڭ باسشىلارى جاڭاجىلدىق كورپوراتيۆتەردى وتكىزۋدەن باس تارتتى. ونىڭ ورنىنا اقتوبەدە تۇڭعىش قىسقى قايىرىمدىلىق بالى ۇيىمداستىرىلماق. بارلىق جينالعان قاراجات مۇمكىندىگى شەكتەۋلى جيىرما جانعا، سونىڭ ىشىندە بالالارعا بەرىلەدى. مەسەناتتىق سالاعا ەرەكشە كوڭىل بولەتىن 200-گە جۋىق مەملەكەتتىك قىزمەتكەر، كاسىپكەرلەر، قوعامدىق بىرلەستىكتەر مەن قور وكىلدەرى قايىرىمدىلىققا قاتىساتىندارىن راستادى. بالعا كىرۋ ءۇشىن تولەنەتىن قايىرىمدىلىق جارنا 10 مىڭ تەڭگەنى قۇرايدى، ياعني ۇيىمداستىرۋشىلار تەك كىرۋ بيلەتىنىڭ وزىنەن مۇقتاج جاندار ءۇشىن 2 ملن تەڭگەدەن استام قاراجات جيناي الادى. بۇدان باسقا، ارنايى ۇيىمداستىرىلعان اۋكسيوننان تۇسكەن بارلىق اقشا قايىرىمدىلىققا بەرىلەتىن بولادى. بۇدان وزگە، بالدا وڭىردە 2018 جىلى وتكەن قايىرىمدىلىقتى دامىتۋ شارالارى قورىتىندىلانادى. قايىرىمدىلىق قىزمەتىنە ەرەكشە نازار اۋدارعان، الەۋمەتتىك ماڭىزدى سۇراقتاردى شەشۋگە سۇبەلى ۇلەس قوسقان جانە اقتوبەلىكتەردىڭ وزەكتى ماسەلەلەرىنە بەي-جاي قارامايتىن وبلىستاعى ۇزدىك مەسەناتتار ماراپاتالادى.
