اقتوبە وبلىسىنىڭ اكىمى قارتتار مەن مۇگەدەك جانداردى كەلە جاتقان جاڭا جىلدارىمەن قۇتتىقتادى
جاڭا جىل مەرەكەسى قارساڭىندا اقتوبە وبلىسىنىڭ اكىمى بەردىبەك ساپاربايەۆ اقتوبەدەگى قارتتار مەن مۇگەدەك جاندارعا ارنالعان ينتەرنات ۇيىندە بولدى.
بۇگىندە 1973 جىلى اشىلعان قارتتار مەن مۇگەدەكتەردىڭ ينتەرنات ۇيىندە 224 ادام تۇرادى. ءوڭىر باسشىسى ولارعا مىقتى دەنساۋلىق پەن رۋحاني سەرگەك بولۋدى تىلەدى.
«الەۋمەتتىك سالانىڭ قازاقستان تاۋەلسىزدىگىنىڭ 27 جىلى بويى دامۋى - مەملەكەت باسشىسى نۇرسۇلتان نازاربايەۆتىڭ ساياساتىنىڭ باسىم باعىتى بولىپ تابىلادى. بۇعان پرەزيدەنتتىڭ حالىقتىڭ ءال-اۋقاتىن ءارى قاراي كوتەرۋگە ارنالعان جۋىرداعى جولداۋى دالەل. ەلباسى تاپسىرماسىنا سايكەس، ءبىزدىڭ وبلىستا قارتتار مەن مۇمكىندىگى شەكتەۋلى جانداردىڭ تۇرمىس ساپاسىن كوتەرۋگە ەرەكشە كوڭىل بولىنۋدە، سونىڭ ىشىندە اتالمىش ينتەرنات ءۇيىنىڭ قىزمەتىنە ءارقاشان قولداۋ كورسەتىلىپ كەلەدى. ومىردە ءتۇرلى جاعداي بولادى، ءبىراق ەڭ باستىسى – بۇل سىزدەردىڭ قازىرگى اماندىقتارىڭىز. سىزدەرگە مىقتى دەنساۋلىق، ۇزاق عۇمىر مەن ءارقاشان جاقسى كوڭىل-كۇيدە بولۋدى تىلەيمىن»،-دەدى وبلىس اكىمى.
مەكەمەگە مۇمكىندىگى شەكتەۋلى جاندار مەن قارت ازاماتتاردى وتىرعىزاتىن كوتەرگىشتەرمەن جابدىقتالعان مامانداندىرىلعان اۆتوكولىك تارتۋ ەتىلدى.
ينتەرنات ءۇيىنىڭ ديرەكتورى ەرمەك بەيسقالييەۆتىڭ ايتۋىنشا بۇل مەكەمە ۇزاق ۋاقىت بويى وسىنداي كولىك قۇرالىن قاجەت ەتكەن، ويتكەنى مۇندا ءبىرىنشى جانە ەكىنشى توپتاعى 93 مۇمكىندىگى شەكتەۋلى ازاماتتار مەن زەينەتكەرلەر تۇرادى، ولاردىڭ ەڭ ۇلكەنى 94 جاستا. ول سونداي-اق، قارتتار مەن مۇگەدەكتەر ۇيىنە تۇسەتىندەر سانىنىڭ جىلدان جىلعا ازايىپ كەلە جاتقانىن اتاپ ءوتتى.
اقتوبە وبلىسىندا 27 مىڭنان استام مۇگەدەك جان بار. ولارعا ۋاقىتىلى الەۋمەتتىك قولداۋ كورسەتىلىپ تۇرادى. بيىل 12 مىڭنان اسا مۇگەدەك ادام تەحنيكالىق، گيگيەنالىق قۇرالدارمەن، پروتەزدىك-ورتوپەديالىق بۇيىمدارمەن جانە شيپاجايلىق ەم-دوممەن قامتىلدى. جالپى، مەملەكەت مۇمكىندىگى شەكتەۋلى تۇلعالاردى الەۋمەتتىك جاعىنان قولداۋعا 1،8 ملرد تەڭگەدەن استام قاراجات اۋداردى.
بۇدان باسقا، ءوتىپ بارا جاتقان جىلى ءوڭىر بيلىگى مۇمكىندىگى شەكتەۋلى بالالارعا ەرەكشە كوڭىل ءبولدى. «باقىتتى بالا» جوباسى اياسىندا ءبىر جىلدىڭ ىشىندە ەلىمىزدە ءبىرىنشى رەت «كۇنشۋاق» جىل بويعى ساۋىقتىرۋ ينكليۋزيۆتى لاگەرى، بيۋدجەت قاراجاتىنان - تىس ءاۋتيزمى بار بالالارعا ارنالعان وڭالتۋ ورتالىعى، كوررەكسيالىق بالاباقشا، مۇمكىندىگى شەكتەۋلى بالالارعا ارنالعان وڭالتۋ ورتالىعى اشىلدى.
