وبلىستا مەملەكەتتىك ورگانداردىڭ باسشىلارى جاڭاجىلدىق كورپوراتيۆتەردى وتكىزۋدەن باس تارتتى. ونىڭ ورنىنا اقتوبەدە تۇڭعىش قىسقى قايىرىمدىلىق بالى ۇيىمداستىرىلماق. بارلىق جينالعان قاراجات مۇمكىندىگى شەكتەۋلى جيىرما جانعا، سونىڭ ىشىندە بالالارعا بەرىلەدى.
مەسەناتتىق سالاعا ەرەكشە كوڭىل بولەتىن 200-گە جۋىق مەملەكەتتىك قىزمەتكەر، كاسىپكەرلەر، قوعامدىق بىرلەستىكتەر مەن قور وكىلدەرى قايىرىمدىلىققا قاتىساتىندارىن ايتتى. بالعا كىرۋ ءۇشىن تولەنەتىن قايىرىمدىلىق جارنا 10 مىڭ تەڭگەنى قۇرايدى، ياعني ۇيىمداستىرۋشىلار تەك كىرۋ بيلەتىنىڭ وزىنەن مۇقتاج جاندار ءۇشىن 2 ميلليون تەڭگەدەن استام قاراجات جيناي الادى. بۇدان باسقا، ارنايى ۇيىمداستىرىلعان اۋكسيوننان تۇسكەن بارلىق اقشا قايىرىمدىلىققا بەرىلەتىن بولادى.
بالدا وڭىردە 2018 جىلى وتكەن قايىرىمدىلىقتى دامىتۋ شارالارى قورىتىندىلانادى. قايىرىمدىلىق قىزمەتىنە ەرەكشە نازار اۋدارعان، الەۋمەتتىك ماڭىزدى پروبلەمالاردى شەشۋگە سۇبەلى ۇلەس قوسقان جانە اقتوبەلىكتەردىڭ وزەكتى ماسەلەلەرىنە بەيجاي قارامايتىن وبلىستاعى ۇزدىك مەسەناتتار ماراپاتتالادى.
