كاسىبي بوكستان الەم چەمپيونى قازاقستاندىق فيرۋزا شاريپوۆا ەكى ديۆيزيوندا UFC چەمپيونى برازيليالىق اماندا نۋنەستى جەكپە-جەككە شاقىردى، - دەپ حابارلايدى Qamshy.kz اقپارات اگەنتتىگى Vesti.kz پورتالىنا سىلتەمە جاساپ.

"كىشى روي دجونس UFC پرەزيدەنتى دانا ۋايتتىڭ جاقىن دوسى. قازىرگى تاڭدا ءبىز روي دجونستىڭ كومانداسىمەن سەرىكتەسپىز جانە مەن ەكى سالماق دارەجەسىندە UFC چەمپيونى اماندا نۋنەسپەن جەكپە-جەك ۇيىمداستىرۋدى سۇرايمىن. مەن ونى نوكاۋتقا تۇسىرگىم كەلەدى. اماندانى كريستيانا جۋستينونى جەڭۋىمەن قۇتتىقتايمىن. ول بوكستىڭ تاماشا تەحنيكاسىن كورسەتىپ، تازا نوكاۋتپەن ۋاقىتىنان بۇرىن جەڭدى. مەن بۇل جەكپە-جەكتى اسىعا كۇتتىم، سەبەبى جەڭىمپازبەن كەزدەسكىم كەلەدى. ءقازىر ءوز كوماندامنان بۇل جەكپە-جەكتى 2019 جىلى ۇيىمداستىرۋىن سۇرايتىن بولامىن. نۋنەستىڭ يكەمىن ەسكەرەر بولساق، ول قىزىقتى ءوتۋى ءتيىس. ول جەكپە-جەك مەنىڭ ەۆا ۆالستروممەن كەزدەسۋىمنەن كەيىن ءوتۋى مۇمكىن دەپ ويلايمىن"، - دەدى فيرۋزا ءشارىپوۆا.

ايتا كەتەيىك، اماندا نۋنەس (17-4) وتانداسى كريستيانا جۋستينونى (20-2) جەڭىپ، UFC تاريحىندا ەكى سالماق دارەجەسى بويىنشا العاشقى چەمپيون اتاندى. فيرۋزا ءشارىپوۆا كەلەسى جەكپە-جەگىن 2019 جىلى كوكتەمدە WBC تۇجىرىمى بويىنشا الەم چەمپيونى فينليانديالىق ەۆا ۆالستروممەن وتكىزۋى ءتيىس. ول بىرلەسكەن كەزدەسۋ بولادى جانە ونىڭ جەڭىمپازى ەكىنشى جارتىلاي سالماقتا الەم ۇزدىگى اتانادى.