«باتىس» وڭىرلىك قولباسشىلىعىنىڭ جاۋىنگەرى Alem Fighters ارالاس جەكپە-جەكتەن وتكەن حالىقارالىق تۋرنيردەگى العاشقى جەڭىسىنە جەتتى
قازاقستان رەسپۋبليكاسىنىڭ اسكەري قويان-قولتىق كۇرەسىنەن چەمپيونى، 41433 اسكەري ءبولىمىنىڭ اسكەري قىزمەتشىسى ەفرەيتور وتارنۇربەك ارالاس جەكە-جەكتەن اتىراۋدا وتكەن Alem Fighters حالىقارالىق تۋرنيرىندە جەڭىسكە جەتتى.
اتىراۋ قالاسىندا ورنالاسقان 41433 اسكەري ءبولىمىنىڭ جاۋىنگەرى ەفرەيتور وتار نۇربەك Alem Fighters جەكپە-جەكتەرىنە قاتىستى. ونىڭ رەيندجدەگى قارسىلاسى رەتىندە گرۋزيالىق جاس سپورتشى تانزيلوۆي وتاري شىقتى. جەكپە-جەك ەكىنشى كەزەڭدە قازاقستاندىق جاۋىنگەردىڭ تازا جەڭىسىمەن اياقتالدى.
ەفرەيتور وتار نۇربەك اتىراۋ قالاسىنداعى «باتىس ارلاندارى» ۇرىس كلۋبى قاتىرىندا دايىندالۋدا جانە بۇگىنگى كۇنى قازاقستان رەسپۋبليكاسىنىڭ قويان-قولتىق كۇرەسىنىڭ چەمپيونى بولىپ تابىلادى. Alem Fighters حالىقارالىق تۋرنيرىندەگى بۇل ونىڭ كاسىپقوي رينگتەگى تۇڭعىش كەزدەسۋ بولدى، الايدا ماماندار ونىڭ رەكوردىندا ءالى تالاي جەڭىستەر بولادى دەپ بولجاۋدا.
پىكىر قالدىرۋ