250-گە جۋىق قازاقستاندىق ايەلدەر سيريا، يراك جانە اۋعانستاندا قارۋلى قاقتىعىس ايماعىندا ءجۇر. بۇل جايىندا Qamshy.kz اقپارات اگەنتتىگى Tengrinews.kz سايتىنىڭ مالىمەتىن نەگىزگە الا وتىرىپ جازادى.

مۇنداي مالىمدەمەنى ۇقك باسشىسىنىڭ ورىنباسارى نۇرعالي بىلىسبەكوۆ كوميتەتتىڭ حالىقارالىق ماسەلەلەرگە قاتىستى وتكەن جيىندا ايتتى.

-بۇگىندە كوپتەگەن ايەلدەر كۇيەۋلەرىنىڭ سوڭىنان ەرىپ كەتىپ جاتىر. ولاردىڭ ىشىندە قازاقستان اۋماعىندا قىلمىستىق جاۋاپقا تارتىلعاندار دا بار. قازاقستاندىق ايەلدەردىڭ ءبىرازى قازىرگى تاڭدا قارۋلى قاقتىعىس ايماعىندا جۇرگەنى تۋرالى اقپارات بار، ولاردىڭ كەيبىرەۋلەرى، ءتىپتى سول پروسەسسكە ارالاسىپ تا كەتىپتى. ولار ەلگە ورالعان جاعدايدا قىلمىستىق ءىس قوزعالىپ، جاۋاپقا تارتىلاتىن بولادى»-، - دەپ ايتىپ ءوتتى نۇرعالي بىلىسبەكوۆ.

ەستەرىڭىزگە سالا كەتەيىك، اعىمداعى جىلدىڭ 6  قاڭتارىندا ارنايى وپەراسيا بارىسىندا 47 قازاقستاندىق سيريادان ەلگە ورالعانى بەلگىلى. ولاردىڭ 30-ى – اكەلەرى سوعىستا قازا تاپقان كىشكەنتاي بالالار.

دايىنداعان: نازەركە لابيحان