ەلباسى بيىلعى جىلدى جاستار جىلى دەپ جاريالاعانى ولاردىڭ جان-دۇنيەسىندە رۋحاني سىلكىنىس تۋدىردى. بيىلعى جاستار جىلى قوعامدا ولاردىڭ اۋىزبىرشىلىگى مەن ىنتىماعىن ەسەلەپ ارتتىرا تۇسەتىنى انىق. قازىرگى كەزدە جاستارعا كوپ كوڭىل بولىنەدى، كوپ كومەك كورسەتىلەدى. ستۋدەنتتەرگە جاتاقحانالاردىڭ سالىنۋى، جاستاردىڭ جۇمىسسىزدىق ماسەلەسىن شەشۋگە بايلانىستى ىرگەلى ءىس-شارالاردىڭ وتكىزىلۋى سوزىمىزگە ناقتى دالەل بولا الادى. جاستارعا جاسالىپ جاتقان جاعدايلاردىڭ بارلىعى ولاردىڭ جاڭا جەتىستىككە جەتۋىنە جاڭا جول اشادى.

مۇنىڭ بارلىعى بىزگە بەرىلگەن ۇلكەن مۇمكىندىكتەردىڭ باستاماسى ىسپەتتى. ەلباسىنىڭ ءارقاشان جاستارعا قامقورلىقپەن قاراپ، ولاردى قولداۋى جاس ۇرپاقتى ۇلى ماقساتتارعا جەتەلەيدى. ەگەمەن ەلىمىزدىڭ بولاشاعى - جاستاردىڭ قولىندا. قازىرگى اقىلدى تەحنولوگيالار زامانىندا تىڭ ويلار بىلىمىمەن بيىكتەردى باعىندىرىپ جۇرگەن جاستاردان شىعىپ جاتىر.

سوندىقتان جاستار جىلىندا جاس ۇرپاققا جان-جاقتى قولداۋ جاسالىپ، كومەك كورسەتىلۋ قاجەت. قازاق حالقىندا «جاس كەلسە، ىسكە» دەگەن دانالىق بار. مەن ءقازىر باستاۋىش سىنىپتا وقىتۋ پەداگوگيكاسى مەن ادىستەمەسى ماماندىعى بويىنشا ءبىلىم الىپ ءجۇرمىن. بولاشاقتا ۇلاعاتتى ۇستازدار قاتارىنا قوسىلىپ، تۋعان ەلىمە قىزمەت ەتكىم كەلەدى.

«تاربيە - تال بەسىكتەن باستالادى» دەمەكشى، 1-سىنىپتان 4-سىنىپقا دەيىن بالالاردى وقىتىپ، بىلىمگە باۋلىپ، تۋعان ەلىن سۇيەتىن، تۋعان جەرىن گۇلدەندىرەتىن، ەلىنىڭ ەرتەڭىن ويلايتىن ۇلتجاندى ۇرپاق تاربيەلەۋگە ءوزىمنىڭ ۇلەسىمدى قوسقىم كەلەدى.

اياۋلىم ماناقباي

اباي اتىنداعى ءقازۇپۋ-دىڭ

1-كۋرس ستۋدەنتى