فيليپپين پرەزيدەنتىن حالقى الەمدەگى ەڭ زاماناۋي باسشى دەپ سانايدى. تاققا وتىرا سالىسىمەن پرەزيدەنت رودريگو دۋتەرتە ەسىرتكىمەن كۇرەستى. ەسىرتكىگە زاڭ بويىنشا تىيىم سالىپ، كونبەگەندەر ءولىم جازاسىنا كەسىلدى، ول پرەزيدەنت بولعالى مىڭعا جۋىق ادام ءولتىرىلدى. ناشاقورلىقپەن بايلانىستى قىلمىستىق ىستەردى حالىقارالىق قىلمىستىق سوت قارايتىن بولدى.

زورلىق قۇرباندارىن مازاق ەتۋ – پرەزيدەنتتىڭ كۇندەلىكتى ءازىل اڭگىمەسىنە اينالدى. قۇقىققورعاۋشىلاردى ولتىرۋگە شاقىردى. مىڭداعان ادامنىڭ ولىمىنە قاتىسى بار ەكەنىن پرەزيدەنت ماقتانىشپەن ايتىپ جۇرەدى.

بۇلاردىڭ ءبارىن ىسىرىپ قويىپ ەندى دۋتەرتە كاتوليك شىركەۋلەرىنە قارسى كۇرەس باستاپتى.  كاتوليك شىركەۋى – مەملەكەتتەگى بەدەلدى مەكەمەلەردىڭ ءبىرى. ال حالقى يمانداي سەنىپ، دۇعا جاساپ جۇرگەن قۇدايىن پرەزيدەنت «اقىماق» دەپ، ال كيەلى ۇشتىك يدەياسىن – ساندىراق دەپ اتادى. سونىمەن بىرگە دۋتەرتەنىڭ ساناسىندا «كۇنا»، «توزاق» دەگەن تۇسىنىكتەر جوق ەكەن. ءارى حريستيانداردىڭ قسيەتتى ءىنجىل كىتابىنا دا سەنبەيدى. ايتۋىنشا، اۆتورى بەلگىسىز كىتاپ – كىتاپ ەمەس. ال شىركەۋدەگى اۋليەلەردى «جىنعا قىزمەت ەتەتىندەر» دەپ سانايدى.

«ەپيسكوپتار – تۇككە تۇرعىسىز ادامدار. ولاردىڭ كوبى - گەيلەر. ادامداردى سىناعاننان باسقا ءبىتىرىپ جاتقان تۇگى جوق»، - دەگەنى بار ءبىر مالىمدەمەسىندە. تاعى ءبىر سوزىندە اۋليەلەردىڭ اقشاسى كوپ ەكەنىن ءارى ولاردى اشىق تۇردە توناۋ كەرەك ەكەنىن ايتتى.

 ول 2016 جىلدىڭ 30 ماۋسىمىنان باستاپ ەل باسقارادى. مىنە، ءفيليپپيننىڭ پرەزيدەنتى وسىنداي ەكەن...

ۇسىنعان: گۇلىم جاقان