قانات يسلام رينگكە قاشان ورالاتىنىن ايتتى

/uploads/thumbnail/20180503142012386_small.jpg

العاشقى ورتا سالماقتا جۇدىرىقتاساتىن قازاقستاندىق كاسىپقوي بوكسشى قانات يسلام (25-0، 20 كو) الداعى جەكپە-جەگىنە جاتتىعۋدى قاشان باستايتىنىن ايتتى دەپ جازادى Qamshy.kz اقپارات اگەنتتىگى vesti.kz سايتىنىڭ دەرەگىن نەگىزگە الىپ. 

مۇنىڭ الدىندا امەريكالىق boxrec.com سايتىندا قازاقستاندىق بوكسشىنىڭ بەلسەندى ەمەس ەكەنى كورسەتىلگەنىنە بايلانىستى بوكسشى كارەراسىن توقتاتتى ما دەگەن سۇراقتار تۋىنداعان. الايدا WBO NABO جانە WBA Inter-Continental بەلبەۋلەرىنىڭ يەگەرى بۇل اقپاراتتى راستامادى. ول كەزدە قازاقستاندىق بوكسشى ناۋرىزدا جەكپە-جەككە شىعۋدى جوسپارلاپ وتىرعانىن ايتقان ەدى. وسىعان بايلانىستى قانات يسلام جاتتىعۋ لاگەرىن باستادى ما دەگەن سۇراق قويدىق. «ءقازىر اياق جاراقاتىمدى ەمدەۋدىڭ سوڭعى پروسەدۋرالارىنان ءوتىپ جاتىرمىن. وسىدان تولىق ساۋققان سوڭ، تالعار جانىنداعى AIBA وقۋ-جاتتىعۋ كەشەنىندە دايىندىقتى باستايمىن»، — دەدى بوكسشى.

پىكىر قالدىرۋ

قاتىستى ماقالالار