Buro247.kz رەداكسياسى «تۇمان اراسىندا: الماتىلىقتاردىڭ بىرنەشە جىلدان كەيىنگى كەيپى» اتتى جوبا جاسادى، دەپ جازادى Qamshy.kz اقپارات اگەنتتىگى. وندا الماتىنىڭ ەكولوگيالىق ماسەلەلەرى كوتەرىلگەن.

«الماتىنىڭ لاس اۋاسى قالا تۇرعىندارىنىڭ دەنساۋلىعىنا كەرى اسەر ەتەدى. ەكولوگيالىق اپات كولەمى كۇن ساناپ ارتىپ كەلەدى، مۇنىسىن تەرەزەگە قاراپ-اق بايقاۋعا بولادى. بۇل ولقىلىقتى جويۋ ءۇشىن بيلىك ءالى تالاي جۇمىس ىستەۋ كەرەك. ەگەر ەشتەڭە وزگەرمەسە، قالا تۇرعىندارىنىڭ كەيپى مىناداي بولار ەدى». – دەپ جازدى رەداكسيانىڭ Instagram-داعى پاراقشاسىندا.

Buro247.kz وسى تاقىرىپقا وراي فوتوسەسسيا جاساپتى. سۋرەتتەردەن بەتپەردە كيگەن مودەلدەردى كورەمىز. ءتۇسىرىلىم ءۇشىن بازارلار، گۇل پاۆيلوندارى پايدالانىلعان.

«ادامدارعا قالانىڭ كەلبەتىن كورسەتكىمىز كەلدى. ادەمى سۋرەتتەر ارقىلى ۇلكەن ماسەلەنى كوتەرمەكپىز»، - دەدى رەداكسيا مۇشەلەرى.

ۇسىنعان: گۇلىم جاقان