بۇگىن ۇكىمەتتىڭ سەلەكتورلىق وتىرىسىندا ىشكى ىستەر ءمينيسترى قالمۇحانبەت قاسىموۆ بۇكىل جۇرتتى ەسەڭگىرەتكەن قايعىلى وقيعا - 5 ءبۇلدىرشىن قازا تاپقان ءورتتىڭ سەبەپتەرىن ايتتى، دەپ جازادى Qamshy.kz اقپارات اگەنتتىگى.

ونىڭ ايتۋىنشا، جىلۋ بەرۋ ماۋسىمى باستالعاننان بەرى ءورت ازايعانىمەن، ۋلانۋدان قازا تاپقان ادامداردىڭ سانى 12 پايىزعا ارتىپ وتىر. 

-11 ايلىقتان 12 جاسقا دەيىن 5 بالا قازا تاپتى. ءورتتىڭ سەبەبىنە كەلەر بولساق، پەش جاققاندا قاۋىپسىزدىك شاراسى ساقتالماعان. ءورت سودان شىعىپ وتىر. سودان كەيىن بالالار تۇنگى ۋاقىتتا قاراۋسىز قالعان. ءورت سوندىرۋشىلەر 7 مينۋتتا جەتكەن. پوليسيا مەن جەدەل جاردەم دە وسى ۋاقىتتا بولعان. ءبىراق، وكىنىشكە قاراي جاعدايدىڭ الدىن الۋعا مۇمكىندىك بولمادى، - دەدى ق.قاسىموۆ.

مينيستر قاسىموۆ ەلىمىزدە قازىرگى ۋاقىتتا مۇنداي جاعدايلار از ەمەس ەكەندىگىن، دەگەنمەن، جىلۋ بەرۋ ماۋسىمى وتكەن جىلدىڭ 15 قازانىندا باستالعاننان بەرى ءورت ءبىرشاما ازايعانىن ايتىپ ءوتتى.

-ەڭ باستىسى، قازا تاپقانداردىڭ سانى ازايدى. ءبىراق، ۋلانۋدان قازا بولعاندار سانى 12 پايىزعا ارتىپ وتىر. جىل سايىن ءبىزدىڭ ورتكە قارسى قىزمەت الدىن الۋ شارالارىن جۇرگىزەدى. سوڭعى بىرنەشە ايدا 1،7 ملن جەكە ءۇيدى ارالادى. 4 ملن اداممەن كەزدەسىپ، ءتۇسىندىرۋ جۇمىستارىن جۇرگىزدى. وسى جاعدايعا بايلانىستى تاعى جۇمىستى جالعاستىرامىز، - دەدى مينيستر.

 ۇكىمەتتىڭ سەلەكتورلىق وتىرىسىندا  پرەمەر-مينيستر باقىتجان ساعىنتايەۆ ورتتەن قازا تاپقان 5 بالانىڭ اتا-اناسىنا كوڭىل ايتتى.