يسلامنىڭ حاس جاۋى مۇسىلماندىقتى قابىلدادى دەپ جازادى Qamshy.kz اقپارات اگەنتتىگى azan.ru سايتىنىڭ دەرەگىن نەگىزگە الىپ. 

گوللانديالىق ساياساتكەر يورام ۆان كلاۆەرەن مۇسىلماندىقتى قابىلداماس بۇرىن "يسلام دەگەن جالعان ءدىن، ال قۇران كارىم — ۋ"، دەپ مالىمدەمە جاساعان بولاتىن. 

يورام ۆان كلاۆەرەن انتييسلامدىق كوزقاراستى ۇستاناتىن گەرت ۆيلدەرس باسقارعان "قۇقىق بوستاندىعى" پارتياسىنىڭ مۇشەسى بولعان. ءبىراق ءقازىر ساياساتكەر قاتە كوزقاراستى ۇستانعانىن، ءوزىنىڭ قاتەلىگىن تۇسىنگەنىن ايتتى. 

يسلام دىنىنە قارسى كىتاپ جازىپ جاتقان كەزدە ونىڭ دىنگە قاتىستى ويى تۇگەلىمەن وزگەرگەن، سوسىن ءوزى تاڭداۋ جاساعان. 

"كىتاپ جازۋ بارىسىندا مەنىڭ يسلامعا قارسى كوزقاراسىمنىڭ قاتە ەكەنىن دالەلدەيتىن كوپتەگەن دەرەكتەردى كوردىم. وسىدان بىرەر جىل بۇرىن  يسلام ءدىنىن ءيتتىڭ ەتىنەن جەك كورەتىنمىن. ەگەر ءبىر ساتتە ءسىز ءوزىڭىزدىڭ بىرنەشە جىل بويى قاتەلەسىپ جۇرگەنىڭىزدى بىلسەڭىز قانداي كۇيدە بولاسىز؟ سالىڭىز سۋعا كەتپەيدى مە؟! مەن دە تۇسىنىكسىز، جامان سەزىمدە بولدىم. ءبىراق يسلامعا قارسى بولسام دا ۇنەمى قۇدايدى ىزدەيتىنمىن، ىشتەگى مازاسىزدىقتى سەزىنەتىنمىن. ال يسلامدى قابىلداعان كەزدەن باستاپ تۇسىنىكسىز، مەن ءۇشىن بەيمالىم سەزىمنەن تۇبەگەيلى ارىلدىم. اراعا كوپ ۋاقىت سالىپ ءوز ۇيىنە ورالعان ادام سەكىلدىمىن"، - دەيدى يورام ۆان كلاۆەرەن. 

اۋدارعان: اسەل بولات قىزى