مەملەكەتتىڭ تۇك قاتىسى جوق دەگەنگە ءوز باسىم كەلىسپەيمىن. مەن دە انامىن، مەن دە بالالارىم اش قالماس ءۇشىن جۇمىس ىستەيمىن.

كەزدەسۋلەر، ءتۇرلى جوبالارىم بار، كوڭىلىم قانشا الاڭ بولسا دا ۇيگە كەش قايتاتىن كۇندەرىم بولادى. بالالارىمنىڭ جانىندا بولىپ، كۇندە بىرگە ۋاقىت وتكىزگەنىڭ ءۇشىن اسپاننان اقشا جاۋمايدى. اتا-اناممەن دە وسى ءۇشىن ءجيى سوزگە كەلەمىن. «ناشار اناسىڭ، بالالارىڭا ۋاقىت ءبول!» دەگەنگە ەتىم ۇيرەنگەن. نەگە؟

-سەبەبى جالعىز باستى انالارعا ەشقانداي كومەك قاراستىرىلماعان. مۇلدە!

-سەبەبى كۇيەۋلەر اليمەنت تولەمەيدى، ءتىپتى ولاردان اليمەنت ءوندىرىپ الۋ مۇمكىن ەمەس.

-سەبەبى ەلىمىزدە 700 000 ايلىعى بولا تۇرا تابىسىن جاسىرىپ، 7000 تەڭگە تولەۋگە بولادى. مۇنى تەكسەرىپ جاتقان ەشكىم جوق.

ء-بىزدىڭ ەلدە عانا ەكىنشى ايەلى ءبىرىنشى ايەلىنە تولەنەتىن تولەمنىڭ مولشەرىن قىسقارتۋ ءۇشىن اليمەنتكە ارىز جازا الادى. قۇددى الگى اليمەنت بالاعا ەمەس، ايەلگە تولەنىپ جاتقانداي. وزىنە قىمبات ىشىك ساتىپ الۋى مۇمكىن عوي؟!

-سەبەبى مەملەكەتتەن پاتەر الۋ ءۇشىن ەرلى-زايىپتىلار قاعاز جۇزىندە اجىراسادى دا، ايەلى جالعىز باستى انا رەتىندە كەزەككە تۇرادى. ال ناعىز جالعىز باستى انالار كەزەككە تۇرۋ مۇمكىندىگىنەن ايىرىلادى.

-سەبەبى ءبىزدىڭ ەلدە مۇگەدەكتەرگە وزدەرىنىڭ مۇگەدەكتىگىن دالەلدەۋ ءۇشىن 5 جىل ۋاقىت كەرەك. ايتپەگەندە بارلىق جەڭىلدىكتەر مەن تولەمدەردەن قاعىلادى. مەملەكەتتىڭ لوگيكاسىنا سۇيەنسەك، كوزى سوقىر ادام 5 جىلدان سوڭ كورىپ كەتۋى ابدەن مۇمكىن ەكەن. جيەنىم قاتەرلى ىسىككە شالدىعىپ، بۇيرەگىن الدىرتۋ ءۇشىن وتا جاساتقان ەدى، ال 5 جىلان سوڭ مەملەكەت ونى مۇگەدەكتىكتەن الىپ تاستاعان. ال بۇيرەك قايتا قالپىنا كەلمەيدى. ايتەۋىر تىرشىلىگىن جاساپ ءجۇر.

ايتا بەرسە كوپ... الايدا فاكت بىرەۋ – ءبىزدىڭ مەملەكەتتە ەشكىمنىڭ قۇقىعى قورعالماعان. اركىم ءوز بەتىنشە تىراشتانىپ، كۇن كورىپ ءجۇر. 4 نەسيە الادى، تۇندە جۇمىس ىستەيدى، بالالارىن جالعىز قالدىرادى...

مىناعان سەنىمدىمىن: بارشا قازاقستان بولىپ اقشا جيناپ، جەمقور بيلىككە سۇراعان اقشاسىن بەرەيىك. سوعان تويىپ، حالىقتىڭ قامى ءۇشىن جۇمىس ىستەسىن.

اينا دوسماحامبەت قىزىنىڭ Instagram-داعى پاراقشاسىنان الىندى