قالمۇحامبەت نۇرمۇحان ۇلى قاسىموۆ قىزمەتىنەن كەتتى، دەپ حابارلايدى Qamshy.kz اقپارات اگەنتتىگى.
پرەزيدەنت نۇرسۇلتان نازاربايەۆتىڭ جارلىعىمەن ىشكى ىستەر ءمينيسترى قىزمەتىن اتقارعان قالمۇحانبەت قاسىموۆ ەلباسىنىڭ كومەكشىسى - قاۋىپسىزدىك كەڭەسىنىڭ حاتشىسى قىزمەتىنە تاعايىندالدى.
«ول قازاقستان رەسپۋبليكاسىنىڭ ىشكى ىستەر ءمينيسترى قىزمەتىنەن بوساتىلسىن»، - دەلىنگەن مەملەكەت باسشىسىنىڭ جارلىعىندا.
قاسىموۆ قالمۇحانبەت نۇرمۇحانبەت ۇلى 1957 جىلى الماتى وبلىسى ىلە اۋدانىنىڭ دميترييەۆكا اۋلىندا دۇنيەگە كەلگەن. ءبىلىمى جوعارى، 1979 جىلى س.كيروۆ اتىنداعى قازاق مەملەكەتتىك ۋنيۆەرسيتەتىنىڭ زاڭ فاكۋلتەتىن بىتىرگەن، ماماندىعى - زاڭگەر. پوليسيا گەنەرال-پولكوۆنيگى.
1979 جىلدان باستاپ - تەرگەۋشى، اعا تەرگەۋشى، تەرگەۋ ءبولىمىنىڭ باستىعى، الماتى وبلىسى ءىىب ىلە اۋداندىق ىشكى ىستەر ءبولىمى باستىعىنىڭ ورىنباسارى.
1988 جىلدان باستاپ - الماتى وبلىسى ءىىب-نىڭ قوعامدىق قاۋىپسىزدىك ءبولىمى باستىعىنىڭ ورىنباسارى.
1989 جىلدان باستاپ - الماتى وبلىسى ءىىب قاپشاعاي ءىىب-نىڭ باستىعى.
1992 جىلدان باستاپ - الماتى وبلىسى ءىىب كريمينالدىق ميليسيا باسقارماسىنىڭ باستىعى، الماتى وبلىسى ءىىب باستىعىنىڭ ءبىرىنشى ورىنباسارى.
1997 جىلدان باستاپ - الماتى قالاسىنىڭ ىشكى ىستەر باس باسقارماسىنىڭ باستىعى.
2003 جىلدان باستاپ - الماتى وبلىسى ىشكى ىستەر باس باسقارماسىنىڭ، ىشكى ىستەر دەپارتامەنتىنىڭ باستىعى.
2005 جىلدان باستاپ - قازاقستان رەسپۋبليكاسىنىڭ ىشكى ىستەر ءمينيسترىنىڭ ءبىرىنشى ۆيسە-مينيسترى، ۆيسە-مينيسترى.
2009 جىلدان باستاپ - شىعىس قازاقستان وبلىسى ىشكى ىستەر دەپارتامەنتىنىڭ باستىعى.
2011 جىلدىڭ ءساۋىر ايىنان باستاپ قازىرگى ۋاقىتقا دەيىن - قازاقستان رەسپۋبليكاسىنىڭ ىشكى ىستەر ءمينيسترى.
مەملەكەتتىك ناگرادالارمەن ناگرادتالعان:
ءىى دارەجەلى «دانق» وردەنىمەن، «استانا» مەدالىمەن، «ۇلتتىق قاۋىپسىزدىكتى قامتاماسىز ەتۋدەگى ۇلەسى ءۇشىن»، «قۇقىق ءتارتىبىن قامتاماسىز ەتۋدە ۇزدىك شىققانى ءۇشىن»، «قازاقستان كونستيتۋسياسىنا 10 جىل»، «قازاقستان رەسپۋبليكاسى ىشكى ىستەر ورگاندارىنىڭ ارداگەرى»، «قازاقستان رەسپۋبليكاسىنىڭ پارلامەنتىنە 10 جىل» مەرەيتويلىق مەدالدارىمەن، «ءىىم-نىڭ ەڭبەك سىڭىرگەن قىزمەتكەرى» توسبەلگىسىمەن ماراپاتتالعان.
ۇسىنعان: نازەركە لابيحان
