بۇل تۋرالى بۇگىن ورتالىق كوممۋنيكاسيالار قىزمەتىندە وتكەن بريفينگتە ايتىلدى. ءىس-شارا بارىسىندا پارتيا ءتوراعاسىنىڭ ءبىرىنشى ورىنباسارى اتالعان الەۋمەتتىك تەرەزەنىڭ قىزمەتى جايىندا كەڭىنەن ايتىپ بەردى.

ءوز سوزىندە ماۋلەن اشىمبايەۆ ەلىمىزدە ەلباسىنىڭ تاپسىرماسىمەن الەۋمەتتىك سالانى دامىتۋ ماقساتىندا اۋقىمدى جۇمىستار اتقارىلىپ جاتقانىن ايتتى. سونىمەن قاتار، ول حالىققا كورسەتىلىپ كەلە جاتقان مەملەكەتتىك الەۋمەتتىك كومەك تۇرلەرىنە نازار اۋداردى.

– مەملەكەت باسشىسىنىڭ بەس الەۋمەتتىك باستاماسى مەن سوڭعى جولداۋىندا دا حالىقتىڭ ءال-اۋقاتىن جاقسارتىپ، تۇرمىس ساپاسىن ارتتىرۋعا باسىمدىق بەرىلگەنى بەلگىلى. اتاپ ايتقاندا، جولداۋدا ەلباسى باسپانانىڭ قولجەتىمدىلىگىن قامتاماسىز ەتۋ، تاريفتەردى شەكتەۋ، ەڭ تومەنگى جالاقى كولەمىن ءوسىرۋ، مەديسينالىق قىزمەت ساپاسىن ارتتىرۋ جانەتاعى باسقا دا ناقتى ماسەلەلەرگە نازار اۋدارىپ، ءتيىستى تاپسىرمالار بەردى. بۇگىندە سول باعىتتار بويىنشا مەملەكەتتىك ورگاندار جۇيەلى جۇمىس جۇرگىزۋدە، – دەدى ماۋلەن اشىمبايەۆ.

حالىقتىڭ وسىنداي اۋقىمدى جۇمىستاردىڭ يگىلىگىن كورۋى ءۇشىن ولارعا مەملەكەتتىك قولداۋلار تۋرالى اقپاراتتى جەتكىزۋدىڭ ماڭىزى زور. وسى ماقساتتا «نۇر وتان» پارتياسىتىڭ باستامالاردى قولعا الىپ وتىر. سولاردىڭ ءبىرى ءبىرىڭعاي الەۋمەتتىك تەرەزەلەر.

– بۇگىندە كوپتەگەن قازاقستاندىق وتباسىلاردىڭ زاڭ بويىنشا وزدەرىنە تيەسىلى كومەكتى الا الماي وتىرعانىن كورىپ وتىرمىز. سول سياقتى جەرگىلىكتى اتقارۋشى ورگاندار تاراپىنان دا بەرىلەتىن كومەكتەن قاعىلىپ وتىرعان وتباسىلاربار. وعان بيۋروكراتيالىق كەلەڭسىزدىكتەردەن باستاپ، جاي عانا بىلمەۋ ماسەلەلەرىنە دەيىنگى ءتۇرلى جايتتار سەبەپ. سوندىقتان، پارتيا اتالعان كەڭەس اياسىندا ەلىمىز بويىنشا ءبىرىڭعاي الەۋمەتتىك تەرەزە جوباسىن قولعا الدى. بۇل جوبا پارتيانىڭ قوعامدىق قابىلداۋ بولمەلەرى ارقىلى قىزمەت كورسەتەدى. ول جەردە كوپ بالالى جانە از قامتىلعان وتباسىلار مەن مۇقتاج ازاماتتار مەملەكەت پەن جەرگىلىكتى بيۋدجەتتەن بەرىلەتىن وزدەرىنە تيەسىلى الەۋمەتتىك كومەكتەر تۋرالى ناقتى كەڭەستەر الۋعا مۇمكىندىك بار. ءبىزدىڭ قىزمەتكەرلەرىمىز تەك اقپارات بەرىپ قانا قويماي، ءىستىڭ سوڭىنا دەيىن جەتكىزىلۋىن قاداعالايدى، – دەدى «نۇر وتان» پارتياسى ءتوراعاسىنىڭ ءبىرىنشى ورىنباسارى.

قازىرگى تاڭدا پارتيانىڭ ەلىمىز بويىنشا 230-عا جۋىق قابىلداۋ بولمەسى بار. ياعني، اتالعان الەۋمەتتىك تەرەزە سولاردىڭ بارلىعىندا اشىلادى. وندا كوپ بالالى انالاردى جۇمىسپەن قامتۋ، قايتا وقىتۋ، بالالاردى بالاباقشا مەن مەكتەپتەرگە ورنالاستىرۋ، زاڭگەرلىك كەڭەستەر سياقتى باسقا دا كوپتەگەن قولداۋلار مەن قىزمەتتەر كورسەتىلەدى.

سونىمەن بىرگە اتالعان الەۋمەتتىك تەرەزەلەر ارقىلىمۇقتاج جاندارعا كومەكتەسكىسى كەلەتىن ۇكىمەتتىك ەمەس ۇيىمدار مەن كاسىپكەرلەرگە دە مول مۇمكىندىكتەر تۋماق. ناقتى ايتقاندا، پارتيانىڭ قابىلداۋ بولمەلەرىندە كومەككە ءزارۋ وتباسىلاردىڭ ءتىزىمى جاساقتالادى. سول ارقىلى قايىرىمدىلىق جاساعىسى كەلگەن ازامات تىكەلەي مۇقتاج وتباسىلارعا كومەكتەسۋگە مۇمكىندىك الادى. ول ءۇشىن قارجىنى ارنايى قورعا نەمەسە باسقا جەرگە اۋدارۋدىڭ قاجەتى جوق. پارتيا باستاماشى بولعان ءبىرىڭعاي الەۋمەتتىك تەرەزەلەردىڭ قىزمەتى مەملەكەتتىك ورگاندارمەن، اكىمدىكتەرمەن جانە ۇكىمەتتىك ەمەس ۇيىمدارمەن بىرلەسىپ جۇزەگە اسىرىلاتىنىن دا اتاپ وتكەن ءجون.

ءىس-شارا بارىسىندا «باقىتتى وتباسى» پارتيالىق جوباسىنىڭ قايتا جانداناتىنى تۋرالى دا ايتىلدى. سولارقىلى مەملەكەتتىك ورگان وكىلدەرى مەن نۇروتاندىقتار ءارءۇيدى ارالاپ، كومەككە مۇقتاج وتباسىلار مەن زورلىق-زومبىلىققا ۇشىراعان بالالار تۋرالى مالىمەتتەر جيناقتايدى.