الماتى وبلىسىندا قازىرگى تاڭدا وقۋشىلاردى ءۇش اۋىسىممەن وقىتاتىن 34 مەكتەپ بار. ماسەلەنى شەشۋ ءۇشىن بيىل - 7، كەلەر جىلى 15 مەكتەپ پايدالانۋعا بەرىلمەك.
الماتى وبلىسى تۇرعىندارىنىڭ سانى 2 ميلليوننان اسىپ، ءوڭىر رەسپۋبليكاداعى حالقى كوپ ايماقتىڭ بىرىنە اينالدى. ىشكى ميگراسيا مەن حالىقتىڭ تابيعي ءوسىمى سالدارىنان وبلىستىڭ كەيبىر اۋداندارىندا وقۋشىلاردى ءۇش اۋىسىمدا وقىتۋعا تۋرا كەلىپ وتىر.
«بۇل ماسەلەنى تۇبەگەيلى شەشۋ ءۇشىن 2021 جىلعا دەيىن كەشەندى جوسپار قۇرىلعان. بيىل 7 مەكتەپ پايدالانۋعا بەرىلەدى. جانە 15 مەكتەپتىڭ ىرگەتاسى قالانادى. سونداي-اق 8 ءبىلىم ورداسىنىڭ جوبالىق-سمەتالىق قۇجاتتارى رەتتەلىپ جاتىر. وسىلايشا ءۇش اۋىسىمدى مەكتەپ ماسەلەسى كەزەڭ-كەزەڭىمەن ءوز شەشىمىن تاپپاق»، - دەدى الماتى وبلىسى اكىمىنىڭ ورىنباسارى اقان ابدۋالييەۆ.
پىكىر قالدىرۋ