الماتى وبلىسىندا كوپبالالى وتباسىلارعا ارنالعان 2 كوپقاباتتى ءۇيدى جوبالاۋ جۇمىستارى باستالدى. بۇل تۋرالى ءوڭىر باسشىسى اماندىق باتالوۆ تۇرعىندار الدىندا جاساعان ەسەبىندە باياندادى.

«7-20-25» باعدارلاماسى اياسىندا كوپبالالى انالارعا 1 ملن تەڭگەلىك تۇرعىن ءۇي سەرتيفيكاتتارى بولىنەتىن بولدى. ءوڭىر باسشىسى سونداي-اق كوپبالالى جانە از قامتىلعان وتباسىلارعا تابيعي گازعا قوسىلۋعا جەڭىلدىكتەر قاراستىرىلىپ، 16 مىڭ جەكە ۇيگە ۋلى گازدى انىقتايتىن قۇرىلعىلار ورناتىلاتىنىن ايتتى.

«مۇنان بولەك جاعدايى تومەن وتباسىلاردىڭ بالالارى 100 پايىز مەكتەپتە تەگىن ىستىق تاماقپەن قامتىلاتىن بولادى. سونىمەن قاتار كوپبالالى جانە الەۋمەتتىك جاعىنان از قامتىلعان وتباسىدان شىققان مەكتەپ بىتىرۋشىلەرگە جوعارى وقۋ ورىندارىنا 100 گرانت بولىنەدى. قازىرگى تاڭدا وسىنداي گرانتپەن 246 ستۋدەنت ءبىلىم الۋدا. كوپبالالى انالاردىڭ قوعامدىق كولىكتە تەگىن ءجۇرۋ ماسەلەسى قارالىپ جاتىر»،  - دەدى اماندىق باتالوۆ حالىق الدىندا بەرگەن ەسەبىندە.