اللا ەلشىسى (س.ع.س) سپورتتىڭ ءبىرقاتار تۇرىمەن ءوزى دە شۇعىلدانىپ، وزگەلەردى دە سوعان باۋلىعان دەپ جازادى Qamshy.kz اقپارات اگەنتتىگى muslimwoman.kz سايتىنا سىلتەمە قالدىرا وتىرىپ.

جۇگىرۋ جارىسى. حاديستەردە پايعامبارىمىز وسى سپورت تۇرىنە ساحابالار ىنتالاندىرعانى ايتىلادى. وسىعان وراي ساحابالار دا جۇگىرىپ جارىسقان. سونداي-اق، پايعامبار دا بىردە حازىرەتى ايشامەن جۇگىرىپ جارىسادى. ەندەشە، بۇل سپورت ءتۇرىن سۇننەت دەپ، وسى تۇرعىدا حالىقتى، جاستاردا جۇگىرۋ جارىسىنا باۋلۋعا بولادى(ءابۋ ءداۋىت، جيھات، 68).

كۇرەس. حازىرەتتى پايعامبار (س.ع.س)  بالۋاندىعىمەن تانىلعان ءرۋقانا دەگەن ءبىر اداممەن كۇرەسىپ، ونى جەڭگەندىگى كەيبىر دەرەكتەردە جەتكىزىلگەن(يبن حيشام، سيار، 1/390-391). تاعى ءبىر حاديستە "مىقتى مۇسىلمان ءالسىز مۇسىلماننان قايىرلى" دەگەن بار. سوندىقتان اللا ەلشىسى كۇرەستى ۇناتتى دەۋگە بولادى.

ساداق اتۋ. ساداق اتۋ، مىلتىق اتۋ جارىسىنا كەلەر بولساق، اللا ەلشىسى: "ولارعا قارسى قولدارىڭنان كەلگەنشە كۇش ازىرلەڭدەر" ("ءانفال" سۇرەسى، 8/60) دەگەن اياتتى - وق اتۋ دەپ تۇسىندىرگەن. سونىمەن قاتار، اللا ەلشىسىنىڭ (س.ع.س) ساداق اتۋعا ىنتالاندىرعان كوپتەگەن حاديستەرى بار (بۇحاري، جيھاد، 78؛ ءمۇسلىم). الايدا پايعامبارىمىز (س.ع.س) وق اتۋ جارىسىندا ءتىرى جانۋاردى كوزدەۋگە تىيىم سالعان (بۇحاري، ءزابايح، 25).

ات جارىس. ول - پايعامبارىمىزدىڭ (س.ع.س) ءارقاشان ىنتالاندىرىپ، جارىستان جەڭگەندەرگە سىي-سىياپات بەرىپ، كوبىنەسە ءوزى دە قاتىسقان سپورت ءتۇرىنىڭ ءبىرى (ءناساي، حايل، 16؛ تيرميزي، جيھاد، 22). سونداي-اق، ءجۇزۋ تۇرىنە دە قىزىققان.

پايعامبارىمىز (س.ع.س) وسى سپورت تۇرلەرىندە ادامعا دا، جانۋارعا دا قيىنشىلىق كورسەتۋگە تىيىم سالعان.

ۇسىنعان: اقەركە دۇيسەنباي