نورۆەگياعا قۇرىلىسشىلار قاجەت ەكەنىن ەستىگەن جاستاعى  بەرىك ايجانوۆ (ەسىمى وزگەرتىلدى) ول جاققا بارىپ جۇمىس ىستەۋگە بىردەن كەلىسكەن. جۇمىس بەرۋشى وعان اي سايىن 2000 ەۆرو بەرىپ وتىرۋعا كەلىسكەن. دەگەنمەن، بەرىك بۇل وقيعانىڭ سوڭى نەمەن بىتەرىن بىلگەن جوق.

شەتەلدە جۇمىس ىستەۋ ءۇشىن ءبىرىنشى بەرىكتى وڭتۇستىك كورەياعا جىبەرەدى.  ول ەلىمىزدەگى جۇمىس بەرۋشىمەن تىكەلەي بايلانىسقا شىققان. كومپانيانىڭ ءوفيسى وڭتۇستىك كورەيانىڭ ورتالىعىندا ورنالاسقاندىقتان ول بۇل جاعدايعا مۇلدە كۇماندانباعان.قۇجاتتاردى راسىمدەۋ ءۇشىن ول 3000 ەۆرو تولەگەن ەكەن. جۇمىس بەرۋشى ءبىر جىلدىق شەنگەن ۆيزاسىن الىپ بەرىپ،  ەستونيا ەلشىلىگى ارقىلى  ليتۆا استاناسىنا بيلەت ساتىپ الىپ بەرەدى. ۆيلنيۋستە ءبىزدىڭ وتانداسىمىز وسلودا ۇشاققا شىعارىپ سالعان جۇمىس بەرۋشىمەن كەزدەسكەن. سول جەردەن 90 ەۆروعا بيلەت ساتىپ الدى.

وتانداسامىز وتكەن  جىلدىڭ 11 جەلتوقسانىندا وسلوعا كەلىپ، نورۆەگيا استاناسىنا جاقىن جەردە ورنالاسقان سورسۋمان قالاسىندا قۇرىلىسقا جۇمىسقا ورنالاسادى. ول جەردە 1 اي جۇمىس ىستەگەنىمەن، ءتيىستى جالاقىسىن الا الماعان. وسىدان كەيىن الماتىداعى جۇمىس بەرۋشى مەن قۇجاتتارىن راسىمدەگەن كومپانيامەن بايلانىسقا شىققان.ولار جاعدايدى تەزىرەك شەشىپ بەرۋگە ۋادە ەتكەنىمەن، وتاندىسىمىز ولاردى كۇتىپ وتىرۋدى ءجون كورمەپتى. وسى جاعدايدان كەيىن ونى پوليسيا بولىمشەسىنە الىپ بارىپ، نورۆەگيا زاڭىنا سايكەس دەپارتاسيالاۋ تۋرالى ۇكىم شىعارادى. بەرىك وسلو تۇرمەسىندە بىرنەشە ءتۇن وتكىزىپ بارىپ، الماتىعا جىبەرىلەدى.

نورۆەگيانىڭ پوليسيا وكىلدەرى تۇتقىن تۋرالى قازاقستان ەلشىلىگىنە حابارلاسقان. بەرىك ايجانوۆ ەلشىلىكپەن تەلەفون ارقىلى بايلانىسقا شىققانىمەن،  وكىنىشكە وراي،  ەلشىلىك ونىمەن كەزدەسۋدەن باس تارتقان. پوليسيا  بەرىككە تۇرمەدە جاقسى جاعداي جاسالعانىن جانە وعان بارلىق قاجەتتى زاتتارمەن قامتاماسىز ەتىلەتىندىگىنە سەندىرمەكشى بولعان.

قازاقستاننىڭ نورۆەگياداعى ەلشىسى ءىلياس وماروۆ: بىزگە پوليسيادان حابارلاسىپ، جۇمىس ىزدەپ كەلگەن وتانداسىمىزدىڭ بۇگىن سوڭعى جۇمىس كۇنى ەكەنىن حابارلادى.

ەلشىنىڭ ايتۋى بويىنشا كەلەسى كۇنى پوليسيامەن مۇلدە بايلانىسقا شىعا الماعان.

«ولار ءبىزدى ناقتى دالەلدەرمەن قورقىتتى» - دەيدى ول. «وكىنىشكە وراي، ءبىزدىڭ ازاماتتارىمىز كەيدە باسقا ەلگە كەلگەن كەزدە ۋاقىتشا كونسۋلدىق تىركەۋگە تىركەلمەيتىنىن مويىنداۋىمىز كەرەك. سوندىقتان ءبىز ولارعا ءتيىستى تۇردە كومەك بەرە المايمىز. ولاردىڭ كەلۋىنەن حاباردار بولماعاندىقتان، سونداي قيىن جاعدايلاردا دەر كەزىندە كومەك كورسەتۋ قيىندىق تۋعىزادى» - دەيدى  قازاققستاننىڭ نورۆەگياداعى ەلشىسى.

ناتيجەسىندە، بەرىك ايجانوۆقا ءۇش جىل بويى شەنگەن ايماعىنا كىرۋگە تىيىم سالىندى

 اۋدارعان: فاريزا جوومارت قىزى