ەكىنشى كونسەرتتىڭ سوڭىنا تامان كورەرمەندەردىڭ “بيس-بيس” قوشامەتى شارشاتقان اللا پۋگاچيەۆانىڭ ساحنا سىرتىنداعى اكۋستيكالىق ميكروفوننىڭ قوسۋلى تۇرعانىن اڭداماي: “وھ، كاك نادوەلي منە ەتي بارانى!” دەگەن ءسوزى ەستىلەدى. (ءدال وسى تۋرالى شاعىن ماقالانى “ۆەچەرنيايا الما-اتا” گازەتىنىڭ تىگىندىسىنەن تاۋىپ الۋعا بولادى).

زالدىڭ الدىڭعى جاعى گۋ ەتىپ بارىپ، ءبىر باسىلادى. ءبىراق گرۋزين مەن ارميانعا قاراعاندا “تولەرانتتى” قازاق كونسەرتتى سوڭىنا دەيىن تىڭداپ قايتادى.

ەرتەڭىندە (الدە سول ءتۇنى) ءبىر “باران” پۋگاچيحانىڭ ول ءسوزىن مينيسترلىككە جەتكىزەدى. ءوزاعاڭ قازتۆ-دان (الدە قازراديودان) كونسەرتتىڭ جازباسىن الدىرىپ، اللانىڭ ايتقان سوزىنەن قۇلاعدار بولادى.

مىنە، سول كۇننەن باستاپ، اللانىڭ قازاقستانعا كونسەرتپەن كەلۋ جولى جابىلادى.

ەرتەڭىندە سسسر مادەنيەت مينيسترلىگى مەن كپسس ورتالىق كوميتەتىنىڭ مادەنيەت ءبولىمى بۇل جاعدايدان حاباردار بولادى.

سودان 1991ء-شى جىلعا دەيىن – وزبەكالى جانىبەكوۆ سك-نىڭ حاتشىلىعىنان پەنسياعا كەتكەنگە دەيىن، اللا قازاقستانعا اتتاپ باسا المادى. سويۋزكونسەرت” بىرلەستىگىنىڭ قازاقستانعا گاسترولدىك باعدارلاماسىنان پۋگاچيەۆا سىزىلىپ تاستالىپ وتىردى. سىزىپ تاستايتىن – باعدارلاماعا كەلىسىم بەرەتىن قازسسر مادەنيەتمينى. ال سىزىپ تاستاۋدى قىزمەتتەن كەتكەنىنشە تالاپ ەتكەن – وزبەكالى جانىبەكوۆ.

“ۇلتقا قىزمەت قىلۋ – مىنەزدەن” – ءاليحان بوكەيحان.

ەرمۇرات باپي

دۋمان بىقايدىڭ Facebook جەلىسىندەگى "قالا مەن دالا" پاراقشاسىنداعى جازباسىنان الىندى