رينات جۇمابايەۆتىڭ جەڭىسىنە قاراماستان، ەرلەر قۇراماسى رەسەيلىكتەردەن 1:3 ەسەبىمەن ۇتىلىپ قالدى.
گروسسمەيستەر رينات جۇمابايەۆ 2016 جىلعى الەمنىڭ ۆيسە-چەمپيونى سەرگەي كارياكيندى ۇتتى.
قوس شاحماتشى كوماندالىق الەم چەمپيوناتىنىڭ بەسىنشى جارىس كۇنى كەزدەسكەن، دەپ حابارلايدى Qamshy.kz اقپارات اگەنتتىگى قازاقستاننىڭ شاحمات فەدەراسياسىنا سىلتەمە جاساپ.
"وتە قيىن پارتيا بولدى. ءبىراق ءاۋ باستان باسىمدىقتى ءوز قولىما الدىم. قارسىلاسىم ادەتتەگىدەي كەرەمەت ويىن ورنەگىن كورسەتتى"، - دەيدى مەرەيى ۇستەم بولعان رينات جۇمابايەۆ.
سەرگەي كارياكين، ونىڭ ايتۋىنشا، بەس ساعاتتان ارتىق قورعانىستا ويناپ، قىسىمعا شىداماي، قاتەلىك جىبەرگەن.
فەدەراسيا اتاپ وتكەندەي، سەرگەي كارياكين "اسقان شەبەرلىك" تانىتتى، ءبىراق قازاقستاندىق باسىم بولدى.
ءبىراق وتانداسىمىزدىڭ جەڭىسىنە قاراماستان، ەلىمىزدىڭ ەرلەر قۇراماسى رەسەيلىكتەردەن 1:3 ەسەبىمەن ۇتىلىپ قالىپتى.
ال ايەلدەر قۇراماسى ۋكراينا كومانداسىمەن كەزدەسىپ، تەڭ تۇسكەن.
بەسىنشى تۋردان كەيىن تۋرنير كەستەسىندەگى ءبىرىنشى ورىندا رەسەي تۇر، ودان كەيىن ءۇندىستان مەن انگليا كەلە جاتىر. قازاقستان قۇراماسى جەتىنشى ورىنعا تابان تىرەدى.
شاحماتتان كوماندالىق الەم چەمپيوناتى استانادا ناۋرىزدىڭ 4ء-ى مەن 14ء-ى ارالىعىندا ءوتىپ جاتىر. جارىستا 14 ەلدەن كەلگەن ون ەرلەر جانە ون ايەلدەر قۇراماسى ب ا ق سىناسۋدا.
ەسكە سالا كەتسەك، قازاقستان قۇراماسى ساپىندا جانسايا ابدىمالىك، دينارا ءسادۋاقاسوۆا، ءبيبىسارا اساۋبايەۆا، گۇلىسحان ناحبايەۆا، گۇلميرا داۋلەتوۆا، رينات جۇمابايەۆ، مۋرتاس كاجگالييەۆ، انۋار يسماعامبەتوۆ، دەنيس ماحنيەۆ پەن پەتر كوستەنكولار ونەر كورسەتۋدە.
شارشى تاقتادا جۇڭگو، ازەربايجان، يران، اقش، مىسىر، رەسەي، شۆەسيا، انگليا، ءۇندىستان مەن ۋكراينا، گرۋزيا، ماجارستان مەن ارمەنيانىڭ ۇزدىكتەرى جارىس كورىگىن قىزدىرۋدا. ولاردىڭ اراسىندا الەم مەن ءار قۇرلىقتىڭ چەمپيونى اتانعان مىقتىلار دا از ەمەس.
