الماتىدا «كوپ بالالى وتباسى» ساناتى بويىنشا الماتىداعى كوممۋنالدىق تۇرعىن ۇيدەن، ۇيگە مۇقتاجدار ەسەبىندە تۇرعان ازاماتتارعا جەڭىلدىكتى نەسيە بەرۋ تۋرالى وتىنىشتەردى قابىلداۋدى باستاالدى دەپ جازادى Qamshy.kz اقپارات اگەنتتىگى.

بۇگىنگى كۇندە 1276 كوپبالالى وتباسى كەزەكتە تۇر. وتىنىشتەر 2019 جىلعى 11 ناۋرىزىنان باستاپ 15 ناۋرىزعا دەيىنگى بەس جۇمىس كۇنى ىشىندە قابىلدانادى. كوپبالالى وتباسىلار «باقىتتى وتباسى» باعدارلاماسى شەڭبەرىندە تۇرعىن ءۇي جەڭىلدىگىن الا الادى.

باعدارلاماعا قاتىسۋشىلار «تۇرعىن ءۇي قۇرىلىس جيناق بانكى» اق-نان 15 ميلليون تەڭگەگە دەيىن نەسيە الا الادى، ال باستاپقى جارنا مولشەرى جىلىنا 2% -دان تومەن تۇرعىن ءۇي قۇنىنىڭ 10% -ىن قۇرايدى.

نەگىزگى قۇجاتتار (جەكە كۋالىك، 2008 جىلدان كەيىن دۇنيەگە كەلگەن بالانىڭ تۋۋ تۋرالى كۋالىگى، 2008 جىلدان كەيىن بەكىتىلگەن نەكە تۋرالى كۋالىگى جانە ت.ب) ەلەكتروندى پورتالدا اۆتوماتتى تۇردە جاسالادى جانە وتىنىشكە قوسا بەرىلەدى، قاتىسۋشىعا كەلەسى سكانەرلەنگەن قۇجاتتاردى عانا قوسۋ كەرەك:

1) 2008 جىلعا دەيىن دۇنيەگە كەلگەن بالانىڭ تۋۋ تۋرالى كۋالىگى،
2) نەكە تۋرالى كۋالىگى (نەكەنىڭ بۇزىلعاندىعى تۋرالى)، 2008 جىلعا دەيىن، جولداسىنىڭ/جۇبايىنىڭ قايتىس بولعاندىعى تۋرالى كۋالىك.
3) نەكەدە تۇرمايتىندىعى تۋرالى نوتاريالدى بەكىتىلگەن ارىز.

وتىنىشتەر www.baqytty-otbasy.kz ەلەكتروندىق سايتى ارقىلى جىبەرىلەدى. تولىق اقپارات الۋ ءۇشىن الماتى قالالىق تۇرعىن ءۇي ساياساتى باسقارماسىنا +7 (727) 225 12 04، +7 (727) 225 14 57، +7 (727) 225 14 44 تەلەفوندارى ارقىلى، سونداي- اق «ءتۇقجب» اق قولداۋىمەن تەگىن بايلانىس تەلەفونى بويىنشا 8-8000-801-880 حابارلاسۋعا بولادى.

ۇسىنعان: نازەركە لابيحان