يگور رەزنيكوۆ پيتەردەن يزرايلگە كەتتى. ءقازىر ول يەرۋساليمدىك ناۆە يااكوۆ اۋدانىندا تۇرادى. كەزىندە لمز زاۋىتىندا ينجەنەر بولىپ جاساعان. اڭگىمە بارىسىندا ول پيتەردە، گريبوەدوۆ كانالى ماڭىنداعى 193ء-شى مەكتەپتى بىتىرگەنى بەلگىلى بولدى. پۋتين وقىعان مەكتەپتە.
- ءسىز ونى تانيتىن با ەدىڭىز؟
- ەندى قالاي! 8 جىل ءبىر مەكتەپتە وقىدىق. جىگىتىم ناعىز بوقمۇرىننىڭ ءوزى بولدى. ونى ەشكىم جاقتىرمايتىن. لاقاپ اتى كورتىشقان ەدى، ارتىنان توقىلداق اتاندى. ءسال نارسەگە ارىز ايتۋعا تۇرا جۇگىرەتىن، سوندىقتان ونى وڭاشادا تومپەشتەپ الاتىنبىز. ەگەر ابايلاپ قاراساڭىز، ول ءقازىر دە كورتىشقاننان اۋمايدى.
- ول مەكتەپتە قالاي وقىدى؟
- ورتاشا. مۇعالىمدەر ودان قورقاتىن. ول ولاردىڭ ۇستىنەن گورونوعا، ءبىلىم مينيسترلىگىنە، كگب-عا ارىز ايدايتىن. ءاربىر وسىنداي ارىزعا كوميسسيا كەلەتىن. ارىزدار دومالاق ارىز (انونيم) تۇرىندە جازىلاتىن، ءبارىبىر قولتاڭباسىنا قاراپ ونىڭ كىم ەكەنىن ءبىلىپ قوياتىن. سوندىقتان ونى مۇعالىمدەر دە، وقۋشىلار دا وتە جەك كوردى.
ارتىنان ودان دا جامان جاعدايلار كەزدەستى. ول جونىندە بىزگە ءبىزدىڭ سىنىپتا وقىعان پەتيا ۆاسيليەۆ ايتىپ بەردى. ۆوۆا وعان مىسىقتاردى بىرلەسىپ دارعا اسۋعا ۇسىنىس جاساپتى. مۇنى پەتيا مۇعالىمدەرگە ايتقان. بارىپ قاراسا ۆوۆا تۇرعان ءۇيدىڭ شاتىرىندا اسۋلى تۇرعان مىسىقتاردى تاپقان جانە ولاردىڭ بارلىعىنىڭ دا كوزدەرى شىعارىلعان ەكەن. كەزىندە بۇل ۇلكەن ايعاي-شۋ بولدى. ونى پسيحيكالىق اۋىتقۋى بار ارنايى مەكتەپكە اۋىستىرعىسى كەلدى، ءبىراق اتا-انالارى وسى ءىستى ايتەۋىر جاپتى. مۇمكىن اقشا تولەگەن شىعار، بىلمەيمىن.
سوسىن...، كەشىرىڭىز، ودان جامان ساسىق ءيىس شىعىپ تۇراتىن. جۋىنباي ما، بىلمەيمىن. وسىعان قاتىستى ونىمەن مۇعالىمدەر دە سويلەسىپ كوردى. مۇمكىن ول قانداي دا ءبىر اۋرۋدىڭ ءتۇرى شىعار، بىلمەيمىن، ايتەۋىر ونىڭ ءيىسى ەرەكشە سۇمدىق بولاتىن. سوندىقتان دا ونىمەن ەشكىم دە پارتالاس بولعىسى كەلمەدى. جالعىز وتىردى. اناسىمەن سويلەسۋدىڭ پايداسى جوق ەدى. ەسكى انەكدوتتاعىداي – مونيانى يىسكەمەۋ كەرەك، مونيانى وقىتۋ كەرەك. ال سىنىپتاستاردىڭ سوڭعى قوڭىراۋىنا ەشقاشان دا كەلگەن ەمەس.
دەرەككوز: livejournal.com
ۇسىنعان: گۇلىم جاقان
