ورتا سالماقتا بۇرىنعى الەم چەمپيونى گەنناديي گولوۆكين (38-1-1، 34 كو) كەلەسى جەكپە-جەگىن ماۋسىمدا وتكىزەدى جانە بۇل DAZN ستريمينگ قىزمەتىمەن ءۇش جىلدىق كەلىسىمشارت بويىنشا العاشقى جۇدىرىقتاسۋ بولماق دەپ جازادى Qamshy.kz اقپارات اگەنتتىگى vesti.kz سايتىنىڭ دەرەگىن نەگىزگە الىپ. 

بۇل جەكپە-جەكتە قازاقستاندىققا قارسىلاس رەتىندە پولشالىق كاميل شەرەمەتا (19-0، 4 KO) پەن امەريكالىق برەندون ادامستىڭ (21-2، 13 كو) ەسىمى اتالىپ وتىر.

Express News.com سايتىنىڭ مالىمەتىنشە، جەكپە-جەك وتەتىن ورىنعا قاتىستى گولوۆكيننىڭ كومانداسى ءتورت قالانى قاراستىرىپ وتىر: سان-انتونيو، نيۋ-يورك، لوس-اندجەلەس جانە لاس-ۆەگاس.

GGGء-دىڭ ءىسىن جۇرگىزەتىن توم لەففلەرمەن تىلدەسكەن پروموۋتەر لەستەر بەدفوردتىڭ سوزىنشە، Alamodome ارەناسى (سان-انتونيو) باستى ورىن رەتىندە قاراستىرىلۋدا، ويتكەنى گولوۆكين لاس-ۆەگاس، نيۋ-يوركە جانە لوس-اندجەلەستە دە جۇدىرىقتاسقان.

"بىزدە گولوۆكيننىڭ جەكپە-جەگىن قابىلداۋعا شىنىمەن جاقسى مۇمكىندىك بار سياقتى. اپتا سوڭىندا انىق بولادى"، - دەيدى بەدفورد. 

ۇسىنعان: اسەل بولات قىزى