اسكەري پوليسيا بولىمىندە تالدىقورعان جانە ۇشتوبە گارنيزونىنا قاراستى اسكەري بولىمدەر مەن مەكەمەلەرىنىڭ اۆتواۋەسقوي قوعامى توراعالارىمەن جيىن وتكىزىلدى.

اتالعان جيىن جول-كولىك وقيعاسىنىڭ سەبەپتەرى مەن الدىن-الۋ شارالارىنا باعىتتالدى. جيىن بارىسىندا جول كولىك اپاتتارىن بولدىرماۋ جانە اپاتتان زارداپ شەككەندەر سانىن ازايتۋعا باعىتتالعان ءىس-شارالار جوسپارى جەتكىزىلدى.

اسكەري اۆتوموبيل پوليسياسى بولىمشەسىنىڭ وفيسەرى اعا لەيتەنانت ب.ساۋلەت ۇلى ادام ءومىرىنىڭ قيىلۋىمەن ورىن العان جول كولىك اپاتى وقيعالارىنا مىسال كەلتىرە وتىرا «2018 جىل بويىنشا قازاقستان رەسپۋبليكاسىنىڭ قارۋلى كۇشتەرىندە ورىن العان جول كولىك اپاتى ءاناليزىن زەردەلەپ، جكو-نىڭ الدىن الۋ بويىنشا جۇمىس ساپاسىن ارتتىرۋ ماقساتىندا، اسكەري بولىمدە جاسالۋعا ءتيىس قۇجاتتارىن اتاپ ايتقاندا، ۇيىمنىڭ جارعىسى، اۋەسقوي اۆتوموبيلشىلەردىڭ ءتىزىمى، جوسپار-كونسپەكتىلەر، حاتتامالار، سۇحباتتاسۋ پاراقتارى جانە الدىن الۋ ءىس-شارالارىنىڭ وتكىزىلۋ كەزەڭدەرى، ەسەپ ماتەريالدارىن ۇسىنۋ ءتارتىبى، ججق بۇزۋشىلىعى ءۇشىن اكىمشىلىك قۇقىق بۇزۋشىلىقتار ايقىندالعان كەزدەگى ءىس-قيمىلدارىنىڭ ءتارتىبى، اسكەري قىزمەتشىنىڭ قاتىسۋىمەن بولعان جكو كەزىندەگى ءىس-قيمىلدارىنىڭ ءتارتىبى جەتكىزدى.

سونىمەن قاتار، تالدىقورعان گارنيزونىنىڭ اسكەري پوليسيا ءبولىمىنىڭ اسكەري اۆتوموبيل پوليسياسى بولىمشەسىنىڭ باستىعى كاپيتان ءا.وحانوۆ 2018 جىلعى جەلتوقساندا قورعانىس ءمينيسترىنىڭ ءبىرىنشى ورىنباسارى – ق ر قك باس شتابىنىڭ باستىعىمەن بەكىتىلگەن اسكەري قىزمەتشىلەردىڭ قاتىسۋىمەن جول-كولىك وقيعالارى مەن ولاردىڭ اۋىر سالدارىنىڭ سانىن تومەندەتۋگە باعىتتالعان الدىن-الۋ شارالار جوسپارىنىڭ تارماقتارى تالقىلاپ، اۆتواۋەسقوي قوعامى ءتوراعالارىنا ءبىرقاتار تاپسىرمالار قويدى.