ءوزىن «قىرعىز حالقىن، ءتىپتى بۇكىل الەمدى رۋحتاندىرۋشى» دەپ تانىستىرعان گۇلزات مامىتبەك بۇل جولى قازاقستاندىقتاردى رۋحتاندىرماق بولدى. استانا قالاسىنىڭ نۇر-سۇلتان بولىپ وزگەرۋىنە بايلانىستى ۆيدەو حابارلاما ءتۇسىرىپ، ونىسى الەۋمەتتىك جەلىدە تارالدى. گۇلزات مامىتبەك باس قالانىڭ نۇر-سۇلتان اتانۋىن قولداپ وتىر، ءارى قازاقستاندىقتاردى دا قولداۋعا شاقىرىپ وتىر.
«سىزدەر «نۇر» دەگەن ءسوزدىڭ ماعىناسىن تۇسىنسىزدەر مە؟ ول – جارىق، شۋاق دەگەن ءسوز. ال سۇلتان دەگەن حان، پاتشا ەمەس پە؟ ياعني، سىزدەردىڭ ەلوردالارىڭىزدىڭ اتى «شۋاقتى پاتشا» اتالسا نەسى بار؟ مەن نۇرسۇلتان ءابىشۇلىن ەرەكشە قۇرمەتتەيمىن، ول حالقى ءۇشىن ايانباي تەر توكتى، تالاي جاقسىلىق جاسادى. بىرنەشە جىل بۇرىن تۇگى جوق استانا قالاسىن چيكاگوعا اينالدىردى. 30 جىلدا ەل جاڭا، قازاقستاندى دامىتتى»، - دەدى «رۋحتاندىرۋشى».
ال قىرعىز قىزىنىڭ ايتقانى قازاق حالقىن رۋحتاندىرا الدى ما؟ ونى الەۋمەتتىك جەلى قولدانۋشىلارىنىڭ پىكىرلەرىنەن بايقاپ كورەلىك...
«نە وتتاپ تۇرسىڭ! ءوز ەلىڭدى جوندەپ الشى ءبىرىنشى!»
«سەنەن اقىل سۇراۋ قالىپ ەدى...»
«كەتشى، قىرتا بەرمەي»
«ساعان وسى ۆيدەوڭ ءۇشىن قانشا تولەدى ەكەن؟»
بۇلار مىڭداعان پىكىرلەردىڭ بەر جاعى عانا.
ۇسىنعان: گۇلىم جاقان
