الماتى وبلىسى قورعانىس ىستەرى جونىندەگى دەپارتامەنتىنىڭ جەكە قۇرامىنا قۇرىلىمدى بۇزاتىن يدەيالاردىڭ كىرۋىنە جول بەرمەۋ جانە الدىن الۋ شارالارى ءتۇسىندىرىلدى. تالدىقورعان گارنيزونى اسكەري پوليسياسى ءبولىمىنىڭ اعا وفيسەرى ادىلەت مايورى ەرجان ماديماروۆ دەسترۋكتيۆتى ءدىني ۇيىمدارعا ءتان ەرەكشەلىكتەردى اتاپ ءوتىپ، جەكە قۇرامنىڭ ادامدارمەن ارالاسۋدا مۇقيات بولۋلارىن سۇرادى. تيىم سالىنعان ۇيىمدارعا قاتىسى بولعان جاعدايدا ق ر قىلمىستىق كودەكسىنىڭ 255، 256، 257، 259، 260 باپتارى بويىنشا جاۋاپقا تارتىلاتىندارىن ەرەكشە ەسكەرتتى. ونىڭ مالىمەتىنشە، وسى كۇنگە دەيىن الماتى وبلىسى بويىنشا اسكەري قىزمەت وتكەرەتىن اسكەري قىزمەتشىلەر اراسىندا ەكسترەميستىك، تەرروريستىك ۇيىمدارعا قاتىسى بار ادامدار انىقتالماعان.

– سەكتالاردان كەلەتىن قاۋىپ-قاتەر ناشاقورلىقتان كەم تۇسپەيدى. عالىمدار سەكتالىق جينالىس كەزىندە قاننان ءبولىنىپ شىعاتىن ەندورفين گورموندارى ادام اعزاسىنا ەسىرتكى جانە پسيحوتروپتى زاتتاردىڭ اسەرىمەن بىردەي بولاتىنىن دالەلدەگەن، - دەدى ءدارىس بارىسىندا ادىلەت مايورى ە.ماديماروۆ.

ونىڭ ايتۋىنشا، ادامنىڭ ەسىرتكىگە ادەتتەنۋىن ادامنىڭ سەكتا ورتاسىنا ۇيرەنۋىمەن سالىستىرۋعا بولاتىن كورىنەدى. ساناعا باقىلاۋ جۇرگىزۋ ارقىلى سەكتا كوشباسشىلارى وزدەرىنىڭ ءىزباسارلارىن تولىق باعىندىرادى. مۇنداعى باستى قاعيدا – ورنىن، ۋاقىتىن تابۋ جانە ادامنىڭ پسيحولوگيالىق جاعدايىنا ەنە ءبىلۋ.

سەكتاعا جاڭا كىرگەن ادامنىڭ كوزقاراسى وندا ۇزاعىراق بولعاندارعا قاراعاندا مۇلدەم بولەك بولاتىن كورىنەدى. ونىڭ ۇيىمعا تەزىرەك ۇيرەنىپ، ءسىڭىپ كەتۋى ءۇشىن مۇشەلەرى بارىن سالىپ، ونى بارىنشا قولداۋمەن بولادى. مۇنداي قارىم-قاتىناسقا ءزارۋ ادام وزگە قاجەتتىلىكتەرى مەن تىلەكتەرىنەن بىردەن باس تارتىپ، جاڭا ورتاعا تەز بەيىمدەلە باستايدى. وسىلايشا وتباسىنىڭ ورنىن سەكتا الماستىرادى.

الەم بويىنشا سەكتالىق ۇيىمداردىڭ سانىن ءدوپ باسىپ ايتۋ قيىن، شامالاپ ايتساق، بىرنەشە مىڭنان اسىپ تا كەتەدى. امەريكالىق الەۋمەتتانۋشىلار ءوز ەلىندەگى سەكتانىڭ سانىن 3 مىڭنان اسىپ جىعىلاتىنىن، ونداعى ادام سانى 11 ملن-عا جەتكەنىن ايتىپ دابىل قاعۋدا.

وكىنىشتىسى سول، قازاقستاندا دا استىرتىن جۇمىس جۇرگىزىپ، قاتارلارىن تولىقتىرىپ جاتقان سەكتالىق ۇيىمدار كوبەيمەسە ازايار ەمەس. الاڭداتارلىعى، ولاردىڭ قۇرامىنا كىرەتىن 2 ملن-عا جۋىق ادام 25 جاسقا دەيىنگى جاستار ەكەنى انىقتالدى. اسىرەسە، ۇلكەن قالالاردا ءداستۇرلى ەمەس ءدىن وكىلدەرى بەلسەندى تۇردە جۇمىس جۇرگىزۋدە.

ولار ادامدارعا سانانى باقىلاۋ ارقىلى پسيحولوگيالىق تۇرعىدان اسەر ەتەدى. جۇباتۋ، كوڭىلىن اۋلاۋ، جىلى سوزدەر ايتۋ سياقتى جان تەبىرەنتەرلىك «ادىستەر» كىمدى بولسا دا قارماققا وڭاي ىلىندىرەدى. اسىرەسە، جاستار جاعى مۇندايعا سەنگىش كەلەدى. ال سەكتالار جاستارعا ءزارۋ، سوندىقتان باسىمدىقتى

سولارعا بەرەدى. ناتيجەسىندە سانا-سەزىمىن سەكتاعا بيلەتكەن جاستار وقۋىن، جۇمىسىن، وتباسىن تاستاپ، «بەلگىسىزدىكتىڭ» قۇربانىنا اينالادى.

دەرتپەن كۇرەسكەننەن گورى ونىڭ الدىن العان ءجون. بۇل تۇرعىدان ارنايى ورتالىقتار بۇقارا حالىق ءۇشىن تىيىم سالىنعان ۇيىمداردان كەلەر قاتەر تۋرالى جادىنامالار، قالتا كىتاپشالارىن، انىقتاما ماتەريالدارىن شىعارىپ، تاراتقان ءجون.

ال اسكەري قىزمەتشىلەرمەن وسى تاقىرىپتا ءجيى لەكسيالار وتكىزىپ، ساۋالناما جۇرگىزىپ، ارنايى ءدىن ماماندارىمەن كەزدەسۋ وتكىزىپ وتىرۋ ابزال.

ءار ازاماتتىڭ قىراعىلىق، ساقتىق تانىتۋى، ءار ىسكە جاۋاپكەرشىلىكپەن قاراۋى ەلىمىزدىڭ بەيبىتشىلىگى مەن تىنىشتىعىن ساقتاۋدا ماڭىزدى ءرول اتقارادى. ەلىمىزدە زاڭ تالاپتارىن قاتاڭ ساقتاۋشىلار ءۇشىن ەش كەدەرگى جوق. ال قوعامعا ىرىتكى سالىپ، ەلدىكتى بۇزۋعا تالپىنعاندار قاتاڭ جازالانىپ، ءتيىستى جاۋاپكەرشىلىككە تارتىلاتىنىن ەسكەرگەن ءجون.